Dhuna online kundër grave, Koçiu: Forcim i legjislacionit, rritje e aksesit në mbi 70 shërbime sociale

Ministrja e Shëndetësisë dhe Mbrojtjes Sociale, Albana Koçiu mori pjesët në aktivitetin me temë “Dhuna psikologjike dhe digjitale kundër grave dhe vajzave”,


Ministrja e Shëndetësisë dhe Mbrojtjes Sociale, Albana Koçiu mori pjesë sot në aktivitetin me temë “Dhuna psikologjike dhe digjitale kundër grave dhe vajzave”, ku theksoi rëndësinë e forcimit dhe zgjerim të mekanizmave të trajtimit të dhunës në sferën kibernetike.

Aktiviteti u organizua nga reporterja e përgjithshme për dhunën ndaj grave të Asamblesë së Këshillit të Evropës, me Aleancën e Grave Deputete në bashkëpunim me Ministrinë e Brendshme, Ministrinë e Shëndetësisë dhe Mbrojtjes Sociale si dhe UN Women.

Koçiu u shpreh se MSHMS është e gatshme për të propozuar ndryshime të tjera ligjore lidhur edhe me këtë fenomen të dhunës.

“Si ministri e Shëndetësisë dhe Mbrojtjes Sociale, sa i përket fenomeneve të tilla, ne sot kemi në dispozicion një kuadër ligjor që ka rritur dhe ka nxitur shërbime të reja mbështetëse të specializuara, të cilat përfshijnë ndihmën juridike falas për viktimat e abuzimit seksual dhe trafikimit, Linjën Kombëtare të Këshillimit për Vajzat, Qendrën Kombëtare për Trajtimin e Viktimave të Dhunës, Qendra dedikuar viktimave të dhunës seksuale, si dhe Qendra dedikuar fëmijëve viktima të dhunës”, deklaroi Koçiu.

Ministrja vuri në dukje se falë rritjes së vazhdueshme edhe të mbështetjes nga buxheti i shtetit, MSHMS ka rritur bashkëpunimin me pushtetin vendor duke ofruar mbi 70 shërbime sociale.

“Shërbime të tjera mbështetëse që financohen drejtpërdrejtë nga buxheti i shtetit janë: linja kombëtare telefonike 116-117, linja telefonike Alo 116, shërbime të specializuara pa pagesë, të disponueshme 24/7 që ofrojnë këshillim dhe shërbime për viktimat e dhunës në familje dhe me bazë gjinore, si dhe fëmijët e dhunuar”, nënvizoi ajo.

Koçiu u ndal edhe në objektivat kryesorë të Strategjisë Kombëtare për Barazinë Gjinore; përmirësimin e legjislacionit, rritjen e aksesit në shërbimet e specializuara, rritjen e aksesit në drejtësi, rritjen e ndërgjegjësimit etj.

Ministrja vuri theksin tek përgatitja e një brezi të ri, ku barazia është një vlerë e kultivuar që në pikënisje, dhe ku të gjithë të rinjtë e të rejat janë patjetër “agjentë” të këtij ndryshimi.

28 Maji, Dita Botërore e Lojërave

Dita Botërore e Lojërave, e sponsorizuar nga Shoqata Ndërkombëtare e Bibliotekave të Lodrave (ITLA), mbahet më 28 maj.

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

28 Maji, Dita Botërore e Lojërave

Dita Botërore e Lojërave, e sponsorizuar nga Shoqata Ndërkombëtare e Bibliotekave të Lodrave (ITLA), mbahet më 28 maj.