Ministrja e Arsimit dhe Sportit, Ogerta Manastirliu priti në një takim Khaled El-Enany, ish-ministër për Turizmin dhe Antikitetin i Egjiptit, kandidat për drejtor të përgjithshëm të UNESCO-s.

Gjatë takimit Manastirliu dhe El-Enany biseduan mbi bashkëpunimin në fushën e arsimit.

“Me El-Enany ndamë vlerat e përbashkëta për arsimin dhe kërkimin shkencor. Diskutuam mbi bashkëpunimin e mundshëm për forcimin e politikave arsimore dhe avancimin e shkencës në shërbim të zhvillimit të qëndrueshëm”, theksoi Manastirliu, në një postim në rrjetet sociale.

Më herët El-Enany u prit në takim nga drejtoresha e përgjithshme e Agjencisë Kombëtare të Turizmit, Zana Çela, gjatë të cilit ai shprehu gatishmërinë e Autoritetit të Turizmit të Egjiptit për të bashkëpunuar me AKT dhe për të ndarë eksperiencën lidhur me dy nga projektet më efektive dhe të rëndësishme që janë zbatuar në Egjipt në fushën e promovimit të turizmit.

Burimi ATSH