Ministri për Evropën dhe Punët e Jashtme, Igli Hasani zhvilloi sot një mëngjes pune me ambasadorët e vendeve të Bashkimit Evropian në Shqipëri, në mbyllje të Presidencës Polake.

Hasani u shpreh se, Presidenca Polake e Këshillit të BE-së solli qartësi, energji dhe një angazhim të fortë për procesin e zgjerimit për të cilin jemi mirënjohës.

Ministri gjithashtu theksoi se zgjerimi i BE-së është një zgjedhje strategjike për të ardhmen tonë të përbashkët.

“Në mëngjesin e sotëm të punës me ambasadorët e BE-së në Shqipëri, në mbyllje të Presidencës Polake, theksova se zgjerimi i BE-së është një zgjedhje strategjike për të ardhmen tonë të përbashkët — një projekt që afron dhe forcon gjithë kontinentin”, shkroi Hasani në një postim në rrjetet sociale.