Balla-Merino: Bashkëpunim kundër trafikimit të paligjshëm të armëve

Ministri i Brendshëm Taulant Balla priti Përfaqësuesen e Përhershme të UNDP-së në Tiranë, Monica Merino.


Ministri i Brendshëm Taulant Balla priti Përfaqësuesen e Përhershme të UNDP-së në Tiranë, Monica Merino, me të cilën diskutoi mbi strategjinë kundër posedimit, keqpërdorimit dhe trafikimit të paligjshëm të armëve të vogla dhe të lehta.

Balla tha se problemi i mbledhjes dhe regjistrimit të armëve që mbahen në mënyrë të paligjshme nga shtetasit në Shqipëri, është i njohur prej vitesh, pas krizës së vitit 1997.

“Qeveria e Shqipërisë, në bashkëpunim edhe me institucione të huaja e vende partnere, është e angazhuar tërësisht në adresimin e këtij problemi të mprehtë për rendin dhe sigurinë në vend”, tha ai.

Balla u ndal edhe te ngjarja tragjike e ndodhur sot në bashkinë e Kamzës, ku një shtetas ka vrarë me armë zjarri fqinjin e vet dhe ka plagosur një tjetër.

“Armëmbajtja pa leje është gjithmonë burim potencial i krimeve të rënda kundër personit, sikurse sapo ka ndodhur sot një ngjarje e rëndë në Bashkinë Kamëz,” është shprehur ministri Balla.

Ai theksoi gjithashtu se është detyrë e Policisë e Shtetit për të vijuar goditjen me vendosmëri të fenomenit të armëmbajtjes.

“Operacioni kombëtar ‘Sundimi i ligjit’ duhet të shtrihet kudo dhe të kontrollohet çdo skutë ku fshihet një armë pa leje”, tha ai.

Ministri Balla njoftoi gjithashtu se UNDP dhe qeveria e Polonisë po kontribuojnë në mënyrë të ndjeshme për forcimin e shërbimit zjarrfikës në Shqipëri, përmes dhurimit të pajisjeve moderne nga më të ndryshmet.

“Një mbështetje e vlefshme nga UNDP po zbatohet për shërbimet zjarrfikëse në disa bashki, falë financimit të qeverisë së Polonisë, duke u ofruar mbështetje me uniforma zjarrfikëse, 3 makina zjarrfikëse dhe shumë pajisje moderne për shpëtimin,” u shpreh Balla lidhur me ndihmën e dhënë.

Ai siguroi se Ministria e Brendshme mbetet e angazhuar në modernizimin e shërbimit zjarrfikës në të gjithë vendin.

Hieroglife për botën

Autori Lu Xun (1881-1936) dikur shkroi se bukuria e hieroglifeve kineze qëndron në tre aspekte: kuptimi i tyre ndriçon mendjen,…

Global 360

Presidenti i Republikës, Bajram Begaj

Kryeministri Albin Kurti, në ceremoninë e parakalimit të ushtarëve të FSK-së dhe policisë së Kosovës për nder të 25-vjetorit të…

Diplovista

Hasani për median vendase: Rumania vend partner në rrugën e Shqipërisë drejt integrimit në BE

Ministri për Evropën dhe Punët e Jashtme, Igli Hasani, intervistë për median rumune “CaleaEuropeană.ro”.

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Hieroglife për botën

Autori Lu Xun (1881-1936) dikur shkroi se bukuria e hieroglifeve kineze qëndron në tre aspekte: kuptimi i tyre ndriçon mendjen,…