Hasani: Spanja, mbështetje të vazhdueshme Shqipërisë në rrugën për anëtarësim në BE

Ministri për Evropën dhe Punët e Jashtme, Igli Hasani, ka zhvilluar një takim me homologun e tij spanjoll, José Manuel Albares.


Ministri për Evropën dhe Punët e Jashtme, Igli Hasani, ka zhvilluar një takim me homologun e tij spanjoll, José Manuel Albares.

Duke falënderuar ministrin Albares për mikpritjen e ngrohtë, ministri Hasani theksoi marrëdhëniet shumë të mira që ekzistojnë mes dy vendeve dhe shprehu mirënjohjen dhe vlerësimin e Shqipërisë për mbështetjen e vazhdueshme të Spanjës në rrugën e Shqipërisë për anëtarësim në Bashkimin Evropian. Shqipëria mirëpret vëmendjen e posaçme të politikës së jashtme spanjolle ndaj rajonit të Ballkanit Perëndimor.

Forcimi i bashkëpunimit ndërmjet Bashkimit Evropian dhe rajonit tonë është bërë më i rëndësishëm se kurrë në dritën e zhvillimeve të reja nëpër botë.

Me gjithë axhendën e ngjeshur të Presidencës së Këshillit të Bashkimit Evropian, Spanja bëri përpjekje të jashtëzakonshme për të mbajtur në tryezën e diskutimit politikën e zgjerimit dhe Ballkanin Perëndimor.

Ministri spanjoll Albares vlerësoi progresin e Shqipërisë gjatë vitit të kaluar në rrugën e saj drejt BE-së dhe ritheksoi mbështetjen e plotë të Spanjës për përpjekjet e vendit tonë për t’u bërë një kandidat lider në procesin e zgjerimit të BE-së.

Në fokus të takimit ishte edhe intensifikimi i marrëdhënieve ekonomike.

Ministri Hasani theksoi se, pozicioni strategjik dhe mjedisi miqësor ndaj biznesit e bëjnë Shqipërinë një zgjedhje të zgjuar për investitorët dhe turistët.

Plani i rritjes së BE-së për Ballkanin Perëndimor, inaugurimi i bazës së NATO-s në Kuçovë, lufta e agresionit të Rusisë kundër Ukrainës dhe konflikti aktual në Lindjen e Mesme ishin ndër çështjet e tjera të diskutuara.

Sot, u nënshkrua një Memorandum Mirëkuptimi ndërmjet ministrive të jashtme të Shqipërisë dhe Spanjës, për bashkëpunimin e akademive diplomatike.

Ky memorandum synon vendosjen dhe zhvillimin e mëtejshëm të bashkëpunimit për trajnimin e diplomatëve të dy vendeve, si dhe shkëmbimin e informacionit në disiplina akademike përkatëse.

Ministrat Hasani dhe Albares diskutuan gjithashtu rreth projektit UNED, për krijimin e një kampusi në vitin 2024 në qytetin e Gjirokastrës, i cili së bashku me Kolegjin e Evropës do të jetë kampusi i parë universitar joshqiptar evropian që do të inaugurohet në Shqipëri, ndoshta në muajt në vijim.

Marrëdhëniet në fushat e kulturës dhe shkencës janë përmirësuar ndjeshëm gjatë dekadës së fundit, siç tregohet nga prania e spanjishtes në departamentin e Studimeve Hispanike në Universitetin e Tiranës dhe nënshkrimi, gjatë takimit ministror, i një Memorandumi Mirëkuptimi midis Shkollave Diplomatike të dy vendeve.

CMG: Shpresojmë që ShBA të mbajë përgjegjësi esenciale pas vizitës së Yellen-it

Sekretarja e Thesarit e ShBA-së Janet Yellen, të martën përfundoi vizitën e saj në Kinë

Global 360

Komandanti i NATO-s për Evropën: Po shtojmë forcat në Kosovë

Cavoli vlerësoi se tensionet etnike në Bosnjë gjithashtu kanë potencial për të përshkallëzuar dhe destabilizuar rajonin e Ballkanit Perëndimor

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Fjala është e para!

Na pëlqejnë fjalët e mençura dhe i marrim me vete! Ndaj fjala mbetet e para dhe e fundit si ajri…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

CMG: Shpresojmë që ShBA të mbajë përgjegjësi esenciale pas vizitës së Yellen-it

Sekretarja e Thesarit e ShBA-së Janet Yellen, të martën përfundoi vizitën e saj në Kinë