Celibashi pret ambasadorin e OSBE: 10 muaj kohë për procesin e votimit të shqiptarëve jashtë vendit

Komisioneri Shtetëror i Zgjedhjeve, Ilirjan Celibashi priti sot në takim ambasadorin e ri të Prezencës së OSBE në Tiranë, Michel Tarran


Komisioneri Shtetëror i Zgjedhjeve, Ilirjan Celibashi priti sot në takim ambasadorin e ri të Prezencës së OSBE në Tiranë, Michel Tarran me të cilin bashkëbiseduan për mbështetjen e dhënë ndaj KQZ dhe rrugën në vijim.

Ambasadori Tarran theksoi se, ka trashëguar një raport të shkëlqyer bashkëpunimi me KQZ dhe se do të vijojë thellimin e bashkëpunimit dhe mbështetjes institucionale.

Në takim u bisedua për projektet e përbashkëta të edukimit zgjedhor dhe trajnimit të administratës zgjedhore, me fokus krijimin e një strukture të përhershme të trajnimit, me qëllim rritjen e kapaciteteve të administratës zgjedhore në rrugën drejt depolitizimit të saj gradual.

Gjithashtu, Celibashi bëri të ditur se, “në takim u diskutua me detaje mbi afatet e realizimit të reformës zgjedhore dhe votimit nga jashtë dhe ishim në të njëjtën frekuencë në lidhje me kohën për realizim, kohë e cila po shkurtohet ditë pas dite”.

Ambasadori Tarran nënvizoi se, mbeten vetëm 10 muaj kohë për të nisur nga zero procesin e votimit të shqiptarëve jashtë vendit dhe se do të jetë tejet e vështirë për KQZ për t’u kryer, pasi votimi nga jashtë mbetet problematik nga pikëpamja teknike edhe për vende shumë më të zhvilluara se Shqipëria.

Ambasadori i OSBE theksoi se, forcat politike duhet të gjejnë marrëveshje sa më shpejt pasi procesi i përgatitjes së votimit nga jashtë kërkon kapacitete, kohë dhe shpenzime tejet të konsiderueshme.

Celibashi e falënderoi ambasadorin Tarran për bashkëbisedimin e sinqertë dhe përpjekjet e tij për të garantuar mbështetjen e Prezencës së OSBE për KQZ.

(ATSH)

Super Gjermania!

Gjermania e nisi rrugëtimin në Europian, në mënyrën më të mirë të mundshme, duke mposhtur Skocinë 5-1

Global 360

G7 – Papa Françesku u kërkon udhëheqësve të ndalojnë armët e IA-së

Papa Françesku u ka bërë thirrje sot udhëheqësve të Grupit të Shtatë (G7) që të miratojnë një qasje të kujdesshme…

Diplovista

Hasani për median vendase: Rumania vend partner në rrugën e Shqipërisë drejt integrimit në BE

Ministri për Evropën dhe Punët e Jashtme, Igli Hasani, intervistë për median rumune “CaleaEuropeană.ro”.

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Super Gjermania!

Gjermania e nisi rrugëtimin në Europian, në mënyrën më të mirë të mundshme, duke mposhtur Skocinë 5-1