Gjykata dënon ish-këshilltarin e Papa Françeskut për krime financiare

Një gjykatë e Vatikanit ka dënuar kardinalin italian Angelo Becciu


Një gjykatë e Vatikanit ka dënuar kardinalin italian Angelo Becciu, një ish-këshilltar i papa Françeskut, me pesë vjet e gjysmë burg për krime financiare, sipas BBC.

Becciu, 75 vjeç, është zyrtari më i lartë i Vatikanit që përballet me akuza të tilla, ndërkohë që dikur shihej edhe si një pretendent papal.

Gjyqi u përqëndrua në një marrëveshje pronësie në Londër që përfundoi me humbje të mëdha për Kishën Katolike.

Ai mohoi me forcë akuzat, përfshirë përvetësim dhe shpërdorim detyre.

Avokati i kardinalit Becciu tha se klienti i tij ishte i pafajshëm se do ta apelonte çështjen.

Ai ishte në gjyq me nëntë të pandehur të tjerë.

Të gjithë u dënuan për disa akuza dhe u shpallën të pafajshëm për të tjerat.

Gjyqi, i cili ekspozoi grindjet e brendshme dhe intrigat në nivelet më të larta të Vatikanit, kishte vazhduar për dy vjet e gjysmë.

Pasi tre gjyqtarë kaluan më shumë se pesë orë duke shqyrtuar vendimin, presidenti i gjykatës, Giuseppe Pignatone njoftoi se kardinali Becciu ishte dënuar për përvetësim.

Të tjerët, të cilët përfshinin financierë, avokatë dhe ish-punonjës të Vatikanit, u akuzuan për krime të ndryshme, përfshirë mashtrimin, pastrimin e parave dhe shpërdorimin e detyrës.

“Ne rikonfirmojmë pafajësinë e kardinalit Angelo Becciu dhe do ta apelojmë”, deklaroi avokati Fabio Viglione, pas vendimit.

“Ne e respektojmë vendimin, por patjetër do të apelojmë”, theksoi ai.

Në vitin 2014, Vatikani shpenzoi më shumë se 200 milionë euro për të blerë 45% të aksioneve në ndërtesën londineze, e cila ishte planifikuar të shndërrohej në apartamente luksoze.

Deri në vitin 2018, Sekretariati i Shtetit i Vatikanit kishte vendosur ta blinte pronën plotësisht, duke futur 150 milionë euro të tjera në blerje. Dyshohet se këto i nënshkroi të gjitha kardinali Becciu, i cili në atë kohë ishte zëvendësuesi i Vatikanit për Çështjet e Përgjithshme.

Paratë, një pjesë e të cilave synohej të përdorej për vepra bamirësie, ishin paguar në një trust të drejtuar nga një financier italian me bazë në Londër, Raffaele Mincione, i cili orkestroi blerjen.

Kardinali u akuzua gjithashtu për dërgimin e shumave të mëdha parash në dioqezën e tij të Sardenjës, disa prej të cilave thuhet se i përfituan familjarët e tij.

Akuzat kundër Becciu e bënë atë kardinalin e parë të gjykuar ndonjëherë për krime financiare.

Rezultati i çështjes mund të ketë implikime të rëndësishme për trashëgiminë e papa Françeskut si reformator.

(Marrë nga ATSH)

“Daily Express”: Shqipëria – zbuloni disa nga brigjet më të bukura të vendit ballkanik

Aurora Bosotti shkruan në të përditshmen britanike “Daily Express”.

Global 360

NATO me udhëheqje të re: Lidhjet e Mark Rutte-s me Kosovën ndër vite

Sekretarët e përgjithshëm të NATO-s zgjidhen me konsensus nga të 32 vendet anëtare.

Diplovista

Bregu: Zero roaming me BE-në deri më 2027

Perspektiva e Bashkimit Evropian për Ballkanin Perëndimor nuk është më një proces datash, BE-ja po ndryshon, ndoshta duhet të ndryshohet…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

“Daily Express”: Shqipëria – zbuloni disa nga brigjet më të bukura të vendit ballkanik

Aurora Bosotti shkruan në të përditshmen britanike “Daily Express”.