Kryeparlamentarja Nikolla takon homologun portugez, Augusto Santos Silva

Kryetarja e Kuvendit, Lindita Nikolla, pati një takim me Presidentin e Asamblesë së Portugalisë, Augusto Santos Silva.


Kryetarja e Kuvendit të Shqipërisë, Lindita Nikolla, pati një takim me Presidentin e Asamblesë së Republikës së Portugalisë, Augusto Santos Silva.

“Një takim miqësor me Presidentin e Asamblesë së Republikës së Portugalisë, Augusto Santos Silva. Shqipëria dhe Portugalia kanë marrëdhënie të ngushta miqësie, bashkëpunojnë në NATO dhe si partnerë euroatlantikë. Mirënjohës për mbështetjen e fortë të Portugalisë për Shqipërinë”, shkruan kryeparlamentarja Nikolla në Twitter.

Në takim ishte i pranishëm edhe Ambasadori i Shqipërisë në Francë, njëkohësisht Ambasador jo-rezident në Portugali, z. Dritan Tola.

“Ju faleminderit për mbështetjen e fortë të Portugalisë ndaj integrimit evropian të Shqipërisë, në veçanti gjatë Presidencës Portugeze të Këshillit Evropian në 2021. Ministri Cravinho ishte ministri i parë i Jashtëm që vizitoi Shqipërinë pas hapjes së negociatave të anëtarësimit. Bashkëpunimi mes dy vendeve tona është i ngushtë, mbështetës e miqësor. Mirënjohje për ndihmën për përballimin e pasojave të tërmetit të 26 nëntorit 2019”, tha Nikolla.

Ajo vlerësoi qasjen e Portugalisë për integrimin e Ballkanit Perëndimor në BE dhe kujdesin për përgatitjen e institucioneve të BE-së para pranimit të anëtarëve të rinj.

Nikolla vlerësoi si një element i perbashket që afron popujt tanë ekzistencën e Kishës së Laçit, dedikuar shenjtit portugez, Shën Antoni. Kisha e Shna Ndout është një vend pelegrinazhi për besimtarë të të gjitha feve në Shqipëri, duke dëshmuar bashkëjetesen paqësore e dashurinë mes besimeve, si nje vlerë evropiane dhe qytetëruese e shqiptarëve.

Bashkëpunimi ekonomik është ende nën potencialet tona dhe mund të zgjerohet në fusha si digjitalizimi, turizmi, mjedisi, zhvillimi i qëndrueshëm, industritë kreative, tregu i punës etj.

Nikolla kërkoi mbështetje për anëtarësimin e Kosovës në KiE dhe në veçanti për mocionin për Rezolutën e Kuvendit mbi Raportin e Dick Marty.

Duke vlerësuar bashkëpunimin e partneritetin euroatlantik, Kryetarja Nikolla nënvizoi rëndësinë e vijimit të mbështetjes së Ukrainës dhe intensifikimin e bashkëpunimit për çështje të sigurisë dhe klimës.

Kryetarja Nikolla dhe Kryetari Silva diskutuan në mënyrë të veçantë për zgjerimin dhe intensifikimin e bashkëpunimit parlamentar, përmes shkëmbimit të vizitave në nivel të lartë, në nivel komisionesh parlamentare, grupeve parlamentare të miqësisë dhe deputetëve. Kuvendi dhe Asambleja e Republikës do të nxisin bashkëpunimin mes qeverive, institucioneve dhe sipërmarrjeve të sektorit privat.

Kryetari i Asamblesë së Republikës së Portugalisë, z. Augosto Santos Silva, vuri në dukje se Parlamenti i Portugalisë do të vijojë të nxisë këtë bashkëpunim.

Kryetari Silva theksoi se mbështetja dhe ndihma e Portugalisë do të vijojë pas çeljes së negociatave, edhe në vijimin e tyre.

Sipas tij, suksesi i negociatave është një shans edhe për konsolidimin e demokracisë dhe forcimin e ekonomisë.

Ai shtoi se Portugalia do të nxisë gjithashtu integrimin evropian të Ballkanit Perëndimor sepse sipas tij, stabiliteti i këtij rajoni do të thotë stabilitet i BE-së.

Sulmi kibernetik nga Irani, Shqipëria plan strategjik për sigurinë e informacionit

Autoritetet publikuan sot planin strategjik për sigurinë e informacionit, pas sulmit kibernetik të ardhur prej Iranit

Global 360

A do të ndikojë tërmeti në zgjedhjet e 14 majit në Turqi?

Erdogan ka shpallur një gjendje të jashtëzakonshme tre-mujore pas katastrofës së tërmetit vdekjeprurës.

Diplovista

Ambasadori Alastair King-Smith: Shqipëria historikisht është lidhur me Mbretërinë e Bashkuar

Ambasadori i Mbretërisë së Bashkuar Alastair King-Smith, në një intervistë mbrëmjen e sotme për Grida Dumën në “Top Story”, ka…

Gjeopolitika

Erdogan: Nuk ka anëtarësim në NATO për Suedinë!

Deklarata e vjen pas protestës së mbajtur në Stokholm, ku u dogj edhe një kopje e Kuranit, librit të shenjtë…

OPED

“Serbia 2022”, në gjunjë nga Moska dhe barikadat antiperëndimore!

Gjeneral Piro Ahmetaj është ekspert për SK, Rajonin dhe NATO, Zv/Pesident i Këshillit të Atlantikut dhe Ish: Këshilltar i Presidentit të…

Profil

Mit’hat Frashëri, avokati i shquar i Shqipërisë

Kemi marrë nga një shqiptar i Amerikës, Z. Lumo Skëndo, një thirrje në favor të pavarësisë së vendit të tij…

Masmedia

Si shpëtoi për 30 vjet Matteo Messina Denaro, kryemafiozi i Cosa Nostra

Kreu i Cosa Nostra-s dhe i arratisuri kryesor italian nuk gjendej prej 30 vitesh, edhe pse tashmë diheshin shumë gjëra…