Shqipëria, anëtare e besueshme e NATO-s për stabilitet e siguri

Kuvendi i Shqipërisë mirëpriti sot takimin e Komisionit për Demokraci dhe Siguri të Asamblesë Parlamentare të NATO-s, i cili do të mbahet në datat 16, 17 dhe 18 prill.


Kuvendi i Shqipërisë mirëpriti sot takimin e Komisionit për Demokraci dhe Siguri të Asamblesë Parlamentare të NATO-s, i cili do të mbahet në datat 16, 17 dhe 18 prill.

Në hapje të takimit përshëndeti Kryetarja e Kuvendit, Lindita Nikolla.

“Organizimi i këtij takimi në Kuvend rikonfirmon rolin dhe kontributin aktiv të Shqipërisë në Aleancë. Si anëtare e NATO-s, Shqipëria është rasti më tipik që dëshmon se kontributi në Aleancë nuk varet as nga madhësia e vendeve anëtare, as nga pasuria, as nga niveli i zhvillimit, as nga historiku dhe jetëgjatësia në Organizatë. Por nga përkushtimi i sinqertë për paqen, sigurinë dhe lirinë e kombeve”, tha Nikolla.

“Ne shqiptarët, e kemi fituar besimin dhe bindjen e Shteteve të Bashkuara dhe anëtarëve të tjerë të mëdhenj e të NATO-s, me përkushtimin tonë të qartë, të vendosur dhe pa asnjë dilemë në zbatimin e vendimeve të Aleancës”, theksoi ajo.

“Investimi për paqen dhe sigurinë nuk sjell siguri, por ushqen procesin, institucionet dhe vlerat demokratike. Kjo sinergji ka më shumë domethënie në kushtet e luftërave në Ukrainë dhe Lindjen e Mesme”, u shpreh Nikolla.

“Shqipëria është sot lidere rajonale në luftën kundër influencave joperëndimore në rajon. Këto influenca nuk janë më ideologjike dhe kulturore, por rreziqe të ndërhyrjeve të drejtpërdrejta në sistemet tona, në funksionimin e institucioneve, agjencive dhe të proceseve të zhvillimit”, theksoi kryetarja Nikolla.

Përfaqësuesi i Komisionit për Demokraci dhe Siguri, Vasile Dincu, përgëzoi Kuvendin dhe Qeverinë e Shqipërisë “për lidershipin e vendit si një partner i denjë dhe aktiv i Aleancës, për rolin dhe kontributin e Shqipërisë për stabilitetin, sigurinë dhe bashkëpunimin në Ballkanin Perëndimor, për kontributin aktiv në misionet paqeruajtëse të NATO-s, të cilat vlerësohen shumë nga Aleanca”.

Mimi Kodheli, kryetare e Delegacionit të Përhershëm Parlamentar të Kuvendit në Asamblenë Parlamentare të NATOS-s, vuri në dukje se, “Shqipëria është një anëtare e vyer dhe aleate e besueshme e NATO-s. Shqipëria e konsideron bashkëpunimin dhe rritjen e besimit midis aleateve dhe partnereve qofshin këta rajonale apo mbare botërore, si një element kyç për promovimin e stabilitetit, sigurisë dhe paqes, kudo. Kjo filozofi e përqasje qëndron në themel të politikës sonë të jashtme”.

“Rajoni i Ballkanit, përtej retorikes politike, ka njohur zhvillime të rëndësishme në drejtim të integrimit euroatlantik, ndërkohë që ky proces përbën edhe makinerinë kryesore për kryerjen e reformave dhe ruajtjen e stabilitetit në vendet e tij. Bashkëpunimi dhe perspektiva euroatlantike janë thelbësore për t’i mbajtur vendet e rajonit tonë në rrugën e demokracisë paqes dhe prosperitetit”, tha Kodheli.

(Marrë nga ATSH)

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.