Samiti Botëror themeloi Rrjetin e Grave Kryeparlamentare, miratoi Deklaratën për Barazinë dhe të Drejtat e Grave

Kryetarja e Kuvendit, Lindita Nikolla mori pjesë në Samitin Botëror të Grave Kryeparlamentare


Kryetarja e Kuvendit, Lindita Nikolla mori pjesë në Samitin Botëror të Grave Kryeparlamentare, organizuar nga Kryetarja e Asamblesë Kombëtare të Francës, Yawl Braun-Pivet, në 6-7 mars, në Paris. Në samit mori pjesë edhe Ambasadori i Shqipërisë në Francë, Dritan Tola.

Samiti iu kushtua çështjeve të rëndësishme që lidhen me rolin e edukimit në ngushtimin e pabarazive të zhvillimit dhe luftën kundër dhunës ndaj grave si edhe nxitjen e pjesëmarrjes së grave në zhvillimin politik dhe shoqëror.

Gjatë samitit, gratë kryeparlamentare sollën përvojat e parlamenteve të vendeve të tyre mbi fuqizimin e bashkëpunimit ndërparlamentar dhe të diplomacisë parlamentare feministe aktive për mbrojtjen dhe zhvillimin e të drejtave të grave. Parlamentet duhet të jenë në vijën e parë të mbrojtjes së të drejtave të grave, nëpërmjet miratimit dhe kontrollit të zbatimit të legjislacionit mbi barazinë ekonomike, sociale dhe gjinore, si vlerë demokratike në shoqërinë bashkëkohore.

Diskutimet u përqëndruan edhe në aspekte konkrete të të drejtave të grave dhe barazisë gjinore, progresin në arsim, mbrojtjen e shëndetit, pjesëmarrjen ekonomike, përballimin e sfidave të rreziqeve kibernetike në shtimin e dhunës ndaj grave e vajzave, dekurajimin e përjashtimit dhe nxitjen e përfshirjes sociale, mbrojtjen e grave nga luftrat e konfliktet etj.

Gratë kryeparlamentare u pritën në një takim të veçantë edhe nga Presidenti i Republikës Franceze Emmanuel Macron, i cili nënvizoi se barazia nuk është një çështje gjinore, por një çështje universale për qytetërimin e sotëm.

Samiti themeloi Rrjetin e Grave Kryeparlamentare mbi të Drejtat e Grave dhe Barazinë Gjinore.

Samiti miratoi edhe një deklaratë në të cilën bëhet thirrje për forcimin e bashkëpunimit mes parlamenteve kombëtare, mbështetjen për ratifikimin e instrumentave ligjore bashkëkohore, për rrjetet, organizimet, nismat dhe veprimet parlamentare për të drejtat e grave, prioritarizimin e barazisë sociale dhe barazisë gjinore në agjendat politike e parlamentare, rritjen e përfaqësimit parlamentar të grave dhe të kulturës së barazisë në jetën parlamentare.

(ATSH)

Rama: Synojmë një Shqipëri pa para cash brenda kësaj dekade

Kryeministri Edi Rama deklaroi sot se qeveria shqiptare synon që deri në fund të kësaj dekade të eliminojë përdorimin e…

Global 360

Ibrahimaj: Mbështetje ekosistemeve të startup-eve me mbi 10 milionë euro vetëm në 3 vitet e fundit

Ministrja e Shtetit për Sipërmarrjen dhe Klimën e Biznesit, Delina Ibrahimaj, mori pjesë në edicionin e 7-të të “Startup City…

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Arbërit, princa të Lilit apo të Zambakut?

‘Princa të Lilit- Bij të Arbërit- Familjarë të Sulltanit’ është një studim që kap në vështrim disa çështje të rëndësishme…

Profil

Koçi Tahiri, veprimtar i respektuar i elitës intelektuale dhe i politikës shqiptare

"Pishtari i Demokracisë" dhe ish-deputet (2017-2021) ka veprimtari të gjerë aktive 35-vjeçare, me karakter krahinor dhe kombëtar.

Masmedia

Rama: Synojmë një Shqipëri pa para cash brenda kësaj dekade

Kryeministri Edi Rama deklaroi sot se qeveria shqiptare synon që deri në fund të kësaj dekade të eliminojë përdorimin e…