Japonezi Kengo Kuma, arkitekti i Parkut të Artit në Tiranë

Projekti ambicioz i kryeministrit Rama i është besuar një emri të madh të arkitekturës bashkëkohore


Nga Dash Frashëri

Në Tiranë do të ndërtohet Parku i ri i Artit.

Një hapësirë e bukur për artistët, artdashësit e fëmijët dhe një destinacion i ri për turistët në kryeqytet.

Projekti ambicioz i Kryeministrit Edi Rama, i është besuar mjeshtrit të madh të arkitekturës bashkëkohore, japonezit Kengo Kuma, drejtuesit të “Kengo Kuma & Associates”.

Një nga arkitektët më me ndikim në botë.

Arkitekti Kuma zhvilloi dje një takim me Kryeministrin Edi Rama, ku ishte i pranishëm edhe Ministri i Ekonomisë, Kulturës dhe Inovacionit, Blendi Gonxhja.

“Kengo Kuma & Associates” është një nga studiot më të njohura në botë, me shumë struktura të projektuara në mbarë globin, në 40 vende të ndryshme: Japoni (301 projekte të realizuara), Kinë (39), Francë (26), Itali (24), SHBA (7), Mbretëria e Bashkuar (7), Zvicër (6), Tajvan (6), Korea e Jugut (6), Spanjë (6), Kanada (4), Gjermani (4), Australi (4), Singapor (3), Kanada (3) etj.,


Arts Ueno Campus / Universiteti i Tokios

Tashmë, studio e arkitektit japonez, “Kengo Kuma & Associates”do të ketë edhe një projekt tjetër në Shqipëri, pas projektit arkitekturor të qendrës së vizitorëve të Parkut Kombëtar të Butrintit.

🟢 Nënshkrimi i kontratës mes Fondacionit për Menaxhimin e Butrintit dhe studios japoneze, që u shpall fituese e…

Posted by Elva Margariti on Friday, September 8, 2023

 

Gjithashtu, “Kengo Kuma & Associates” (KKAA) ka projektuar edhe Sallën Koncertale dhe Muzeun e Artit në Prishtinë, Kosovë.

🎼🎻Salla Koncertale dhe Muzeu i Artit të Kryeqytetit po bëhen realitet!

Jam shumë i lumtur që po hedhim hapat e parë për…

Posted by Perparim Rama on Thursday, August 31, 2023

***

Por, kush është arkitekti i famshëm japonez, Kengo Kuma?

Kengo Kuma ka lindur në vitin 1954. Ai është i martuar me arkitekten Satoko Shinohara dhe kanë një djalë, Taichi, gjithashtu arkitekt.

Pas diplomimit në arkitekturë nga Universiteti i Tokios në vitin 1979, ai punoi për një kohë në Nihon Sekkei dhe Toda Corporation. Më pas ai u transferua në qytetin e Nju Jorkut për studime të mëtejshme në Universitetin e Kolumbias si studiues vizitor nga viti 1985 deri në vitin 1986.

Ai themeloi “Kengo Kuma & Associates” (KKAA) në 1990.

Profesor Emeritus në Universitetin e Tokios pas mësimdhënies në Universitetin Keio dhe Universitetin e Tokios. Projektet e KKAA janë duke u zhvilluar aktualisht në më shumë se 40 vende.

KKAA ka zyra në Tokio, Paris, Shangai dhe Pekin. Sipas të dhënave të marra nga faqja zyrtare e kompanisë së tij, KKKA ka një staf prej 307 personash në Tokio, 31 në Paris, 19 në Pekin dhe 21 në Shangai.

Ai eksperimenton me mjeshtëri eksperimentimin arkitekturor dhe dizajnin tradicional japonez me teknologjinë e shekullit të njëzet e një, duke rezultuar në ndërtesa shumë të avancuara, por bukur të thjeshta, të buta, me shkallë njerëzore.

Ai është i njohur për përpjekjet për të kërkuar materiale të reja për të zëvendësuar betonin dhe çelikun, duke kërkuar një qasje të re për arkitekturën në një shoqëri post-industriale dhe duke bashkuar sferat e brendshme dhe të jashtme për të krijuar hapësira që krijojnë një atmosferë qetësuese dhe të qetë.

Kengo Kuma konsiderohet si një nga arkitektët bashkëkohorë më me ndikim, i njohur botërisht për qasjen e tij të qëndrueshme dhe i përkushtuar ndaj respektit për mjedisin dhe traditën.

Ai ka projektua ndërtesa të rëndësishme në mbarë botën, ndër veprat e fundit të fundit dhe më të njohura dhe të vlerësuara me çmime janë Stadiumi Kombëtar i Japonisë në Japoni, V&A Dundee në Skoci, Muzeu i Artit Popullor në Kinë, Qendra Kërkimore e Muzeut GC Prostho në Japoni, Nën një çati EPFL Artlab në Zvicër, Muzeu i Kulturës dhe Shkëmbimi Kadokawa në Australi, FRAC Marseille në Francë dhe shumë të tjerë.

Në vitin 2021 ai mori çmimin “Njerëzit më me ndikim të vitit 2021” nga revista “Time”.

***

DISA PROJEKTE


Asakusa Culture Tourist Information Center, Tokio – Japoni


White Stone Gallery  – Singapore


White Stone Gallery  – Singapore


Vancouver  – Kanada

***

Hasani takon homologun indian Jaishankar: Fokus, thellimi i marrëdhënieve ekonomike

Ministri për Evropën dhe Punët e Jashtme, Igli Hasani u prit sot nga ministri i Punëve të Jashtme të Indisë,…

Global 360

Osmani: Qeveria dhe aleatët të ulen e të merren vesh për dinarin

Presidentja Vjosa Osmani ka deklaruar se problemi që lindi mes Qeverisë së Kosovës dhe ndërkombëtarëve në lidhje me rregulloren e…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

“Mes frikës dhe frymëzimit”, Maks Velo në studion time!

"Maksi qeshi, duke më thënë: Po të rrëfej diçka që s’ia kam thënë askujt më parë..."

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Hasani takon homologun indian Jaishankar: Fokus, thellimi i marrëdhënieve ekonomike

Ministri për Evropën dhe Punët e Jashtme, Igli Hasani u prit sot nga ministri i Punëve të Jashtme të Indisë,…