“Kundër rrymës, një histori për Sabiha Kasimatin – miken e peshqve” nuk është thjesht një libër me ilustrime për fëmijë, por një homazh mbi një heroinë shqiptare 🇦🇱 e cila sfidoi pa frikë regjimin e hekurt komunist.⠀⠀
⠀⠀
Ky libër magjepsës, si projekt i Fondacionit Konrad Adenauer, pas publikimit në shqip është botuar edhe në lituanisht, duke ngjallur mjaft interes tek publiku vendas.

Gazeta lituaneze “Lietuvos rytas”, e përshkruan librin si “një histori të bukur dhe frymëzuese të një gruaje të re që luftoi për ëndrrat e saj përballë fatkeqësive”. Artikulli përmend gjithashtu se libri është vlerësuar nga kritikët për rrëfimin tërheqës dhe ilustrimet e bukura.⠀⠀

⠀⠀
Në qendër të historisë vendoset Sabiha Kasimati, një iktiologe e një ndër gratë e para shkencëtare në Shqipëri, e cila ja kushtoi jetën e saj studimit të botës së peshqve. Më 1951, ajo dënohet me pushkatim nga shteti komunist, pa gjyq, për një ngjarje me të cilën ajo nuk kishte asnjë lidhje.⠀⠀
⠀⠀
Sot, jemi të lumtur të dëshmojmë se ndikimi i këtij libri i ka kapërcyer tashmë kufijtë, për të njohur dhe vlerësuar figurën e kontributin e Sabiha Kasimatit në një nivel ndërkombëtar.