Kushi-Mogherini, marrëveshje për pjesëmarrjen e Shqipërisë në Kolegjin e Evropës

Ministria e Arsimit dhe Sportit nënshkroi sot një Memorandum Mirëkuptimi me Kolegjin e Evropës për përfaqësimin e Shqipërisë në Këshillin Administrativ.


Ministria e Arsimit dhe Sportit nënshkroi sot një Memorandum Mirëkuptimi me Kolegjin e Evropës për përfaqësimin e Shqipërisë në Këshillin Administrativ.

Firmosja e Memorandumit të Mirëkuptimit u bë nga ministrja e Arsimit dhe Sportit, Evis Kushi dhe rektorja e Kolegjit të Evropës, Federica Mogherini.

Në fjalën e saj Kushi falënderoi Mogherinin për kontributin që ka dhënë ndër vite dhe mbështetjen e fortë për Shqipërinë në rrugën e saj drejt integrimit në Bashkimin Evropian.

“Sapo kemi nënshkruar një memorandum mirëkuptimi, i cili i jep mundësi Shqipërisë për të qenë anëtare në Këshillin e Administrimit të Kolegjit të Evropës. Dua ta theksoj, është i pari vend kandidat për BE-në që bëhet pjesë e këtij bordi, e këtij këshilli Administrativ në Kolegjin e Evropës. Kolegji i Evropës është një institucion i arsimit të lartë, një kolegj prestigjioz, i njohur në të gjithë Evropën për përgatitjen e ekspertëve, specialistë të nivelit të lartë për çështjet evropiane dhe të marrëdhënieve midis vendeve, zgjerimit”, theksoi Kushi.

Kushi tha se “marrëveshja e nënshkruar sot dhe vendi që do të ketë Shqipëria në Këshillin e Administrimit të këtij kolegji i hap rrugën një bashkëpunimi të ngushtë jo vetëm midis MAS dhe Kolegjit të Evropës, por edhe universiteteve të tjera shqiptare në kuadër të procesit të ndërkombëtarizimit, që është edhe prioriteti bazë i qeverisë shqiptare për sa i takon arsimit të lartë”.

Ministrja shtoi se ambicia finale është që në Shqipëri të ketë një kampus të Kolegjit të Evropës, për të cilin tashmë ka filluar puna për një projekt konkret dhe për ta finalizuar sa më shpejt këtë objektiv.

“Një kampus i Kolegjit të Evropës në Shqipëri do të jetë një ndihmë dhe një lajm i mirë për Shqipërinë, por edhe për rajonin sepse këtu nuk do të ketë studentë vetëm nga Shqipëria, por edhe nga shtetet e tjera të Ballkanit, apo vende të BE-së, pasi kjo është edhe filozofia e Kolegjit të Evropës që kudo të ketë studentë nga vende të ndryshme, të ndajnë bashkë të njëjtën cilësi arsimi”, tha Kushi.

“Bulevardi i ideve” në COD, prezantohet krijuesja e shkollës së parë të modelingut në Shqipëri

Në Qendrën për Hapje e Dialog (COD) u zhvillua një takim në kuadër të ciklit “Bulevardi i ideve”, ku e…

Global 360

Presidenti i Republikës, Bajram Begaj

Kryeministri Albin Kurti, në ceremoninë e parakalimit të ushtarëve të FSK-së dhe policisë së Kosovës për nder të 25-vjetorit të…

Diplovista

Hasani për median vendase: Rumania vend partner në rrugën e Shqipërisë drejt integrimit në BE

Ministri për Evropën dhe Punët e Jashtme, Igli Hasani, intervistë për median rumune “CaleaEuropeană.ro”.

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

“Bulevardi i ideve” në COD, prezantohet krijuesja e shkollës së parë të modelingut në Shqipëri

Në Qendrën për Hapje e Dialog (COD) u zhvillua një takim në kuadër të ciklit “Bulevardi i ideve”, ku e…