Kuvendi miraton ligjet e rendit të ditës, ashpërsohen gjobat për ndotjen e mjedisit

Ligjet parashikojnë ashpërsim të gjobave për ndotjen e mjedisit, si dhe kthimin e këtyre masave administrative në titull ekzekutiv.


Kuvendi i Shqipërisë pas mbi 10 orë diskutime ka miratuar pr/ligjet në rendin e ditës, ndërsa u shty për në seancën e radhës ngritja e nënkomisionit për auditimin në sektorin publik.

Shkak për këtë u bë mosdakordësia mes palëve. Deputeti i Partisë Socialiste, kryetari i Komisionit të Ekonomisë dhe Financave, Eduard Shalsi kërkoi shtyrjen e votimit të ngritjes së nënkomisionit, pasi sipas tij, PD është tërhequr nga marrëveshja. “Ramë dakord për ta ngritur këtë nënkomision me dy bashkëkryetarë. PD po dëgjoj se është tërhequr. Unë me zonjën Sorina Koti, që do të ishte një prej nënkryetarëve, kishim rënë dakord për ta ngritur komisionin”, tha Shalsi.

Nënkryetari i Partisë Demokratike, Gazment Bardhi tha se vota e PD do të jetë pro, kur PS të bije dakord që komisioni të drejtohet nga opozita. “Të paktën opozita të ketë këtë hapësirë”, tha Bardhi.

Pas këtij diskutimi u ra dakord që ngritja e nënkomisionit të votohet në seancën e radhës, ndërsa më tej u votuan pr/ligjet në rendin e ditës. Një prej tyre ishte dhe marrëveshja me BE në fushën e drejtësisë, që gjeti dhe votën pro të opozitës.

Ndërkohë u votuan dhe pesë ligje në fushën e mjedisit. Ligjet parashikojnë ashpërsim të gjobave për ndotjen e mjedisit, si dhe kthimin e këtyre masave administrative në titull ekzekutiv.

Këto ndryshime përfshijnë fushën e mjedisit, biodiversitetit, menaxhimit të integruar të mbetjeve dhe cilësisë së ajrit.

Ndryshimet u referohen 5 ligjeve në fushën e mjedisit siç janë ligji “Për Mbrojtjen e Mjedisit”, ligji “Për mbrojtjen e cilësisë së ajrit në mjedis”, ligji “Për Mbrojtjen e Biodiversitetit”, ligji “Për Vlerësimin e Ndikimit në Mjedis” dhe ligji “Për menaxhimin e integruar të mbetjeve”.

(Marrë nga ATSH)

Lexo më shumë nga

Atentati ndaj Trump, Nikolla: Dhuna dhe demokracia janë të papajtueshme

Kryetarja e Kuvendit, Lindita Nikolla reagoi sot atentatin ndaj ish-presidentit të Shteteve të Bashkuara të Amerikës, Donald Trump.

Global 360

Biden dënon dhunën politike, pas atentatit kundër Trump

Presidenti i SHBA Joe Biden ka dënuar dhunën politike pas një sulmi në mitingun e ish-presidentit Donald Trump.

Diplovista

Bregu: Zero roaming me BE-në deri më 2027

Perspektiva e Bashkimit Evropian për Ballkanin Perëndimor nuk është më një proces datash, BE-ja po ndryshon, ndoshta duhet të ndryshohet…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

Atentati ndaj Trump, Nikolla: Dhuna dhe demokracia janë të papajtueshme

Kryetarja e Kuvendit, Lindita Nikolla reagoi sot atentatin ndaj ish-presidentit të Shteteve të Bashkuara të Amerikës, Donald Trump.