Wisner në Kukës: Presim përparim për hidrocentralin e Skavicës

I Ngarkuari me Punë në ambasadën e SHBA-ve në Tiranë, David Wisner dhe stafi i ambasadës vizituan sot Kukësin


I Ngarkuari me Punë në ambasadën e SHBA-ve në Tiranë, David Wisner dhe stafi i ambasadës vizituan sot Kukësin ku ndër të tjera shprehu interes për një projekt të shumëdebatuar në vendin tonë, siç është hidrocentrali i Skavicës.

Në një prononcim për mediet, Wisner theksoi se “jemi shumë të interesuar për më shumë investime amerikane dhe qartazi të inkurajojmë që investime nga Shqipëria të vijnë drejt SHBA-së”.

“Ne jemi thellësisht të fokusuar në tre çështje madhore, ndërtimi i lidhjeve të mbrojtjes, rritja e lidhjeve të biznesit dhe të punojmë me Shqipërinë, ndërsa ajo punon përpara me demokracinë. Dhe sigurisht vendin e rëndësishëm që luan reforma në drejtësi. Ne mbështesim të gjithë bizneset amerikane ndërsa ato eksplorojnë mundësitë këtu dhe presim me kënaqësi të shohim përparim”, theksoi Wisner.

Kryetari i bashkisë së Kukësit, Albert Halilaj, në lidhje me projektin e hidrocentralit të Skavicës, tha se në muajin qershor pritet të nisë puna për ndërtimin e rrugës drejt kantierit të hidrocentralit.

“Është një investim madhor, strategjik që do t’i vijë në ndihmë bashkisë së Kukësit lidhur me punësimin dhe zhvillimin e turizmit”.

Gjatë vizitës në Kukës, Wisner u takua me punonjësit socialë të Njësisë Lëvizëse për Identifikimin e Trafikimit të Qenieve Njerëzore (TIP), e krijuar nga streha “Tjetër Vizion”.

Wisner falënderoi qendrën për rolin e saj vendimtar në luftën kundër trafikimit të qenieve njerëzore, mbrojtjen e viktimave dhe parandalimin e shfrytëzimit.

Ai vuri në dukje rëndësinë e rritjes së financimit dhe përmirësimit të qëndrueshmërisë së këtyre njësive, si dhe bashkëpunimin e ngushtë me agjencitë ligjzbatuese.

Wisner u takua gjithashtu me drejtuesen në detyrë të Prokurorisë së Kukësit, Enkeleda Hoxha dhe Koordinatoren e Viktimave, Eglantina Cengu, për të nënvizuar punën e tyre të madhe në mbështetjen e të drejtave të viktimave në Shqipëri.

Ai i falënderoi ata për përkushtimin e tyre ndaj drejtësisë në rrethana sfiduese dhe theksoi mbështetjen e palëkundur të SHBA-së për përpjekjet e tyre për të çuar përpara reformën në drejtësi në Shqipëri.

Lexo më shumë nga

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.