Reforma e inspektimeve, Rama: Krijojmë forcë të re autonome të shkëputur nga ministritë

Kryeministri Edi Rama bëri me dije krijimin e një force të re të inspektorateve, autonome, të shkëputur nga ministritë gjatë një takimi me përfaqësues të biznesit


Kryeministri Edi Rama bëri me dije krijimin e një force të re të inspektorateve, autonome, të shkëputur nga ministritë gjatë një takimi me përfaqësues të biznesit, në Shtëpinë e Biznesit, ku u prezantuan hapat kryesore që do të ndërmerren në reformën e inspektimeve. Kjo reformë bëhet për të ndërtuar një sistem të bazuar në bashkëpunim, në transparencë, vetëdeklarim, jo në penalizime, por në lehtësi të të bërit biznes dhe në garantimin e konkurrencës së lirë.

Rama tha se inspektimet aktualisht janë pikë e dobët pavarësisht përmirësimeve që janë bërë. Presioni i korrupsionit, shtoi Rama, vazhdon të jetë një presion që nuk mundet dot të justifikohet sepse sot jemi në një fazë që mund të bëjmë një kapërcim tjetër.

“Një reformë e inspektorateve dhe një shkurtim i rëndësishëm i numrit të tyre, një bashkim i një sërë funksioneve që sot janë të ndarë, çdo funksion një inspektorat në një grup inspektoratesh dhe një shkëputje e inspektorateve nga ministritë për të dalë si një forcë e re dhe autonome në veprimtarinë e vet nën ombrellën e kryeinspektorit të përgjithshëm të shtetit. Të krijojmë bazën për një fazë të re në këtë drejtim duke ndryshuar dhe qasjen por edhe përmbajtjen në të gjithë kornizën e shtetit, të figurës së inspektorit dhe duke e kaluar këtë në një status të ri, siç është statusi që kanë doganat apo një pjesë e sistemit të tatimeve apo shërbimi civil”, tha Kryeministri.

Ai shtoi se ky trup nuk do të jetë një trupë që do të ketë dhe gurin dhe arrën.

“Pra, nuk do të jetë një trupë që edhe do të vendosë gjobat dhe marrë në shqyrtim ankesat. Marrja e ankesave do të bëhet edhe me pjesëmarrjen e komisioneve të apelimit të përfaqësuesve të biznesit në mënyrë transparente dhe sa më kolegjiale për të krijuar një barrikadë që të mos kapërcehet dot kaq lehtësisht ku përgjithësisht komisionet e apelimit lënë në fuqi vendimet e marra më parë nga inspektorët”, shtoi Rama.

Lexo më shumë nga

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.