Begaj telegram urimi Erdogan: Marrëdhëniet Shqipëri-Turqi, në një fazë të re e dinamike

Presidenti Bajram Begaj urim me rastin e 100-vjetorit të Ditës së Shpalljes së Republikës së Turqisë


Presidenti Bajram Begaj i ka dërguar një telegram urimi me rastin e 100-vjetorit të Ditës së Shpalljes së Republikës së Turqisë, Presidentit të Turqisë, Recep Tayyip Erdogan.

Më poshtë teksti i plotë i telegramit të urimit.

“100 vjetori i Ditës së Shpalljes së Republikës së Turqisë më jep kënaqësinë e veçantë, që në emrin e popullit shqiptar dhe nё emrin tim, tё pёrcjell urimet mё tё mira pёr Ju personalisht dhe përmes jush, popullit mik turk, urimet më të ngrohta e të përzemërta.

Në këtë ditë të shënuar për vendin Tuaj vlerësoj me shumë kënaqësi, se marrëdhëniet e partneritetit strategjik midis dy vendeve tona kanë hyrë në një fazë të re shumë dinamike, jo vetëm në dimensionin e dialogut politik, por edhe në çdo fushë të bashkëpunimit dypalësh.

Nuk ёshtё rastёsi qё 100 vjetori i themelimit tё Republikёs sё Turqisё pёrkon edhe me 100 vjetorin e marrёdhёnieve diplomatike mes dy vendeve tona, parё kjo si shenjё kuptimplote tё angazhimit tonё tё pёrbashkёt qё nё krye tё herёs, ndaj jam besimplotë për të ardhmen e tyre të shkëlqyer.

Republika e Shqipërisë dhe populli shqiptar çmojnë lart kontributin Tuaj personal dhe të Republikës së Turqisë për mbështetjen e vazhdueshme në të gjitha fushat e bashkëpunimit, si dhe shprehim besimin në vazhdimësinë e mëtejshme të këtij angazhimi, si një dëshmi e forcimit të miqësisë midis dy vendeve e popujve tanë.

Përfitoj nga rasti të shpreh gjithashtu mirënjohjen e thellë për mbështetjen e vyer që Turqia mike i ka dhënë Shqipërisë dhe shqiptarëve ndër vite, dhe Ju siguroj, se mbështetja Juaj dhe solidariteti për shqiptarët nuk do të harrohen kurrë.

Me urimet më të mira për lumturinë Tuaj dhe zhvillimin e përparimin e popullit mik turk”.

Bota përmes statistikave!

Bota ku jetojmë përmes shifrave për gjeografinë, popullsinë, burimet natyrore dhe vecanërisht ekonominë.

Global 360

SHBA, të burgosurit diplomohen në universitetet më të mira

Marrja e diplomës u mundëson të burgosurve të integrohen më lehtë në shoqëri pas kryerjes së dënimit

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Gjashtë shtetet e lëkundura, që do të vendosin për të ardhmen e gjeopolitikës

Cliff Kupchan është kryetar i institutit kërkimor “Eurasia Group”.

OPED

102-vjeçari që drejton shoqatën “Avni Rustemi” në Amerikë

102 herë që Vasil Malita ynë pret e përcjell shokë e miq, bashkatdhetarë të udhëve të atdheut e në emigracion.

Profil

Rauf Fico, diplomati brilant me vizion perëndimor

Rauf Fico përcaktoi juridiksionin e konsullatave shqiptare dhe Konsullatave të Nderit të Shqipërisë jashtë vendit.

Masmedia

Bota përmes statistikave!

Bota ku jetojmë përmes shifrave për gjeografinë, popullsinë, burimet natyrore dhe vecanërisht ekonominë.