![](https://www.tiranadiplomat.com/wp-content/uploads/2023/10/ipard_01.png)
Mbështetja nga IPARD, plantacion me shegë për eksport në Fier
Agro HRP3M në fshatin Bashkim, Fier, është një ndër sipërmarrjet me plantacionet më të mëdha të shegëve në vend
![](https://www.tiranadiplomat.com/wp-content/uploads/2023/10/ipard_01.png)
Prodhimet shqiptare po kërkohen gjithmonë e më tepër në tregjet e huaja, duke treguar rritjen e cilësisë dhe përmirësimin e standardeve të produkteve vendase.
Agro HRP3M në fshatin Bashkim, Fier, është një ndër sipërmarrjet me plantacionet më të mëdha të shegëve në vend, e cila prodhon për tregun vendas dhe atë evropian, me destinacion kryesor Austrinë.
Mbështetur nga programi IPARD II, për zgjerimin e sipërfaqes së mbjelljeve, ujitjen me pika dhe zbatimin e teknikave të duhura të kultivimit, Agro HPR3M, sot ka një sipërfaqe prej 14 hektarë me shegë.
Përmes programeve subvencionuese synohet fuqizimi i fermerëve në vend, rritja e bashkëpunimit midis tyre, krijimi i sipërmarrjeve të mëdha, për të gjeneruar më shumë punësim dhe të ardhura në zonat rurale.