Margariti: Ekspozita “Brez pas brezi”, reflektim për të ardhmen e trashëgimisë kulturore

Një ekspozitë për ata që kanë sakrifikuar dhe vazhdojnë të sakrifikojnë, e cilësoi drejtoresha e përgjithshme e IKTK-së, Klesta Qirici.


“Brez pas brezi” titullohet ekspozita e cila mblodhi bashkë ata që punuan për zbulimin, restaurimin, promovimin, ruajtjen dhe mbrojtjen e trashëgimisë kulturore dhe ata që e vijojnë sot këtë mision, breza të vjetër e të rinj, profesorë e ish-studentë të tyre në fushën e trashëgimisë kulturore.

Në çeljen e ekspozitës në hollin e Ministrisë së Kulturës, ishte e pranishme edhe ministrja Elva Margariti, e cila e cilësoi atë një reflektim për të ardhmen.

Në ekspozitën e çelur në vazhdën e kremtimeve të Ditës Kombëtare të Trashëgimisë Kulturore, u prezantuan fotografi nga çaste pune të stafeve dhe ekipeve ndër vite të Institutit të Kulturës, sot Instituti Kombëtar i Trashëgimisë Kulturore, por edhe imazhe të disa prej pasurive materiale – site, ura e kisha mesjetare.

Një ekspozitë që shtrihet në mëse gjashtë dekada punë për mbrojtjen dhe konservimin e trashëgimisë kulturore të vendit.

Një ekspozitë për ata që kanë sakrifikuar dhe vazhdojnë të sakrifikojnë, e cilësoi drejtoresha e përgjithshme e IKTK-së, Klesta Qirici.

Ekspozita erdhi si homazh për të shkuarën dhe frymëzim për të ardhmen, duke kujtuar rëndësinë e ruajtjes së thesareve kulturore.

Në fjalën e saj, ministrja Margariti duke e cilësuar këtë ekspozitë si reflektim për të ardhmen tha se “kjo hapësirë ka shërbyer jo rrallë herë për të promovuar artistë që nuk gjejnë hapësira në galeri të mëdha.

Ky rast shërbeu për të celebruar jo vetëm pasurinë dhe trashëgiminë kulturore, por edhe punën e IKTK”.
Ministrja Margariti theksoi rëndësinë e specialistëve të fushës, ndërsa tha se tashmë trajnimet do të bëhen përmes Qendrës Rajonale për Konservim dhe Restaurim, pranë IKTK.

“Misioni i kësaj qendre do të jetë formimi dhe përditësimi i njohurive të restauratorëve dhe të subjekteve të licencuara, sipas legjislacionit për trashëgiminë kulturore, si edhe hartimi dhe zbatimi i programeve të kualifikimit të specialistëve në fushën e trashëgimisë kulturore materiale”, tha Margariti.

Në këtë ekspozitë ishin edhe emra të njohur të fushës së trashëgimisë kulturore si profesorët Aleksandër Meksi, Pirro Thomo, Valter Shtylla e Zef Çuni.


Profesorët Meksi e Thomo ndanë me të pranishmit histori nga puna e tyre në terren, kushtet e vështira me të cilët punohej dikur, pasionin me të cilin i kushtoheshin misionit të tyre, si edhe episode mes kolegësh.

Raporti i KE vlerëson punën e Gjykatës Kushtetuese

Komisioni Evropian ka publikuar raportin “Sundimi i Ligjit 2024”, për më shumë se 30 shtete në Evropës, mes të cilave…

Global 360

CNN zbulon prapaskenën e tërheqjes së Biden

Vendimi përfundimtar i Presidentit Joe Biden për t’u larguar nga gara u mor në 48 orët e fundit

Diplovista

Rakipi: Bisedimet Kosovë-Serbi të përqendrohen tek njohja, jo më në çështje teknike

Kryetari i Institutit për Studime Ndërkombëtare Albert Rakipi thotë se ka ardhur koha për një qasje tjetër në dialogun mes…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

Raporti i KE vlerëson punën e Gjykatës Kushtetuese

Komisioni Evropian ka publikuar raportin “Sundimi i Ligjit 2024”, për më shumë se 30 shtete në Evropës, mes të cilave…