A do të rrosh e të jetosh si Mbret, shko e jeto në Përmet!

Zoti, kur e morri vesh, ngriti një dolli me shenjtorët e tij, duke e pagëzuar qytetin me emrin “Përmet”.


Nga Mimoza Prifti

Rruga gjarpëron mes malesh të lartë e gjelbërimit mahnitës përgjatë luginës së Vjosës.

Legjenda thotë që dashuria e Vjosës cau mes per mes malet, shtroi shtratin duke latuar gjoksin e tyre, veshi krahët me gjelberim e së fundmi nisi këngën e saj të dashurisë.

Zoti, kur e morri vesh, diellin derdhi gjithandej, ngriti një dolli me shenjtorët e tij dhe bekoi dashurinë e tyre duke e pagëzuar me emrin “Përmet”.

Thonë që Zoti e pikturoi këtë dashuri, duke u kujdesur në cdo detaj: këmbët tja lagnin ujërat e Vjosës, trupi ti mbështetej malit, enkas rrokullisi një shkëmb e nishan ja vuri ballit, kryet ja lartësoi qiellit dhe për kurorë i vendosi qeleshen me deborë të Dhëmbelit.

Në trup derdhi bredha e selvia, rrush e qershia, e mes tyre Zoti ndërtoi shtëpizën e tij.

Damarëve të qytetit mbolli mimoza dhe blinj, trëndafilë e borzilokë. Që djemtë të thurrnin kurora me lule për vashat; vashat tu përngjanin luleve, të aromonin e të dhuronin dashuri.

Në këtë qytet, me trëndafilat e dhuruar, vajzat përgatisin ujë dhe parfum trëndafili. Petalet së bashku me ujin e malit kalojnë në njëqind pllaka guri, dhe mes këngës së vajzave pikë pikë derdhet uji i trëndafilit.

Cdo mëngjes të diele, vashat lajnë fytyrën me ujë trëndafili, veshin fustanin e pagëzimit, dhe me një tufë borzilok në dorë nisen drejt selvive, aty ku Zoti me shenjtorët e vet vështrojnë qytetin.

Në kthim, qeshin e lodrojnë së bashku, duke i dhëne qytetit frymë dhe jetë.

Askush tjetër nuk njihet për pastërti dhe gatime sa zonjat e këtij qyteti, askush tjetër nuk njihet për verën e rakinë sa zoterinjtë e Përmetit.

Askush tjetër nuk njihet për urtësi dhe mikpritje sa përmetarët. E kush nuk u ndje Mbret ne derë të tyre?

A do të rrosh e të jetosh si Mbret, shko e jeto në Përmet!

“Artivizim për një transformim social të përgjegjshëm”

Qendra për Hapje dhe Dialog dhe Instituti Italian i Kulturës prezantuan ekspozitën e mjeshtrit ndërkombëtar Michelangelo Pistoletto

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

“Artivizim për një transformim social të përgjegjshëm”

Qendra për Hapje dhe Dialog dhe Instituti Italian i Kulturës prezantuan ekspozitën e mjeshtrit ndërkombëtar Michelangelo Pistoletto