Nga Visar Zhiti

Ishte 13 marsi 2013, kur Kardinali argjentinas, Jorge Mario Bergoglio, u zgjodh Papë dhe mori emrin Papa Françesku.

Vizitën e parë Apostolike jashtë Selisë së Shenjtë dhe Italisë zgjodhi ta bëjë në Shqipërinë tonë, sepse, – siç e tha dhe vetë, – është një popull i vuajtur dhe me një Kishë martire, me një vëllazëri ndërfetare, – e cilësoi. – Jeni vendi i shqiponjave, fluturoni lart si ato, por mos harroni foletë!- porositi.

Ndriçojnë para syve tanë takimet me Atin e Shenjtë, meshat e Tij, fjalët plot dashuri vazhdimisht sjellin dritë të re.

Dua të kujtoj një trini me thënie të Papa Françeskut, që i përsërisim ndër biseda:

– Nuk është i madh ai që shërbehet nga shumë, por ai që shërben shumë.
– Jemi kundër mëkatit, jo kundër mëkatarit.
– Jo globalizimit të indiferencës…

As atij globalizimi ku humbin identitetet…

Ne na tha që në takimin e parë se e donte Shqipërinë edhe për rininë vitale që ka…
Urojmë

10 VJETORIN E PONTIFIKATIT
TË PAPA FRANÇESKU,
dekada të tjera shumë e më shumë!