EURO 2024 – Reja për ”Corriere dello sport”: Itali, kujdes me Shqipërinë!

Italiani me origjinë sllovene, Edy Reja është njeri që ka parë shumë, nuk ka qenë vetëm ish-trajner i Shqipërisë, shkruan ”Corriere dello sport”.


Italiani me origjinë sllovene, Edy Reja është njeri që ka parë shumë, nuk ka qenë vetëm ish-trajner i Shqipërisë, shkruan ”Corriere dello sport”.

Ai e mbylli karrierën e tij duke u përballur me Italinë e Mancinit në një miqësore. Të premten, në Tiranë ai do të hipë në çarterin e mundësuar nga FSHF-ja dhe të shtunën do të jetë në tribunën e autoriteteve në Westfalenstadion.

Braziliani Sylvinho e zëvendësoi atë në stolin e Shqiponjave.

”Ai është i mirë, ai ka bërë një punë të shkëlqyer dhe arriti suksesin duke merituar kualifikimin përpara skuadrave të nivelit të lartë si Republika Çeke dhe Polonia. Ai gjeti themelet mbi të cilat mund të ndërtonte një grup që në masë të madhe ende më përket mua. Të gjithë djemtë e mi, përveç Hoxhës, anësorit të Dinamos së Zagrebit. Ramadani, Asllani, Gjimshiti, Mitaj. Bajramin e binda të vinte të luante me Shqipërinë. Broja ishte i ri, Manaj është një tjetër fëmijë i imi. Edhe stafi im bëri një punë të mirë dhe jam i lumtur për Dukën, një menaxher i madh, i cili prej disa vitesh është anëtar i ekzekutivit të UEFA-s. Një marrëdhënie e dashur na lidh. Ai më donte në Dortmund, nuk mund ta humbas”, thotë Reja në një intervistë për gazetën iltaliane.

A do ta mbështesësh Shqipërinë?

”Unë jam italian, i kam axurët në zemër, por kam dashuri dhe simpati për shqiptarët, do të doja që ata të bëjnë përshtypje të mirë. Unë do të mbështes Italinë. Unë e njoh Spallettin, e kam konsideruar gjithmonë një trajner të nivelit të lartë. Më pëlqeu duke parë Napolin e tij. Ai duhet të punojë shumë me Italinë dhe të rrisë disa lojtarë të rinj. Të tjerë si Di Lorenzo, Cristante dhe Dimarco tashmë kanë një vlerë të caktuar”.

Çfarë duhet të presim?

”Shqipëria nuk duhet nënvlerësuar, është rritur shumë në krahasim me vitin 2016, një ekip i fortë, shumë i fortë nga pikëpamja karakteristike. Do të jetë e vështirë t’i heqësh qafe. Spalletti duhet ta shikojë Bajramin mes rreshtave, nuk e di nëse do ta marrë Cristante apo Jorginho. Ata lejojnë pak hapësirë ​​dhe rinisin mirë. Anësorët Asani, Hoxha apo Seferi, përballë Brojës. Të gjithë shumë të shpejtë. Të tjerët, si Hysaj dhe Ismajli, kanë shumë vite që luajnë në Serie A. Ata e dinë filozofinë tonë, mënyrën tonë të lojës. Duhet të keni kujdes. Me Spanjën dhe Kroacinë është një grup i komplikuar edhe për Italinë, por Shqipëria ka disa shanse dhe kjo tashmë është një ndeshje vendimtare”.

Dhe gjithçka do të luhet me axurrët, pa folur për faktorin tifozë.

“E saktë. Të paktën 15-20 mijë shqiptarë do të mbërrijnë në stadiumin e Dortmundit nga e gjithë Evropa, jo vetëm nga Gjermania. Entuziazëm i papërmbajtur. Një ndeshje shumë e përzemërt. Ata ndjehen si një degë e Italisë. Ata kanë pasur gjithmonë mirënjohje të thellë ndaj nesh. Tani janë rritur edhe marrëdhëniet diplomatike mes dy qeverive”.

Rreziku kryesor?

“Kundërsulmi. Nëse u jep hapësirë ​​shqiptarëve, do të të nxjerrin jashtë. Broja duket se ka ardhur me kokën e duhur, është i veçantë, por i fortë. Ai dhe Manaj mund të bëjnë diferencën në shpejtësi. Kanë temperament, karakter, nuk dorëzohen. Tashmë është një ndeshje vendimtare. Sylvinho shtoi kreativitetin dhe teknikën, fola shumë me të kur mbërriti. Pastaj filloi punën e tij. Le të themi se unë gjeta hirin dhe ai gjeti tryezën e shtruar. Ka ndodhur edhe me Napolin, Lazion dhe Atalantën kur u largova. Fati im, por jam i kënaqur me karrierën time dhe nuk ankohem për të”.

Edy Reja është me të vërtetë një gjigant.

(Marrë nga ATSH)

Lexo më shumë nga

Atentati ndaj Trump, Nikolla: Dhuna dhe demokracia janë të papajtueshme

Kryetarja e Kuvendit, Lindita Nikolla reagoi sot atentatin ndaj ish-presidentit të Shteteve të Bashkuara të Amerikës, Donald Trump.

Global 360

Biden dënon dhunën politike, pas atentatit kundër Trump

Presidenti i SHBA Joe Biden ka dënuar dhunën politike pas një sulmi në mitingun e ish-presidentit Donald Trump.

Diplovista

Bregu: Zero roaming me BE-në deri më 2027

Perspektiva e Bashkimit Evropian për Ballkanin Perëndimor nuk është më një proces datash, BE-ja po ndryshon, ndoshta duhet të ndryshohet…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

Atentati ndaj Trump, Nikolla: Dhuna dhe demokracia janë të papajtueshme

Kryetarja e Kuvendit, Lindita Nikolla reagoi sot atentatin ndaj ish-presidentit të Shteteve të Bashkuara të Amerikës, Donald Trump.