Kriza e migrantëve, Rama: Krenarë që mund të ndihmojmë Italinë në një çast kaq të vështirë

Kryeministri Edi Rama deklaroi sot se, Shqipëria ka mundësi të ndihmojë Italinë në një çast të vështirë për të gjithë Evropën


Kryeministri Edi Rama deklaroi sot se, Shqipëria ka mundësi të ndihmojë Italinë në një çast të vështirë për të gjithë Evropën.

Në konferencën e përbashkët për shtyp me Kryeministren e Italisë, Georgia Meloni, Rama tha se, “jam krenar për Shqipërinë që mund t’i shërbejë Italisë”

“Italia ka qenë e dobishme dhe i ka shërbyer Shqipërisë shumë, shumë herë dhe nëse ne kemi mundësinë për të qenë të dobishëm për Italinë, pra për t’i shërbyer asaj një herë, dy, tre atëherë le ta shfrytëzojmë këtë mundësi dhe ta bëjmë këtë me zemër dhe me bindjen që deti mes Italisë dhe Shqipërisë nuk është një hapësirë, e cila na ndan, por një hapësirë që na bashkon dhe kjo prej mijëra vitesh”.

“Në një çast kaq të vështirë, jo vetëm për Italinë, por për të gjithë Evropë, ne jemi shumë krenarë që mund të japim ndihmën tonë, jo si evropianë të bashkuar brenda BE-së, por si evropianë me BE-në, sepse në fund të fundit askush nuk vendos nëse ne jemi evropianë apo jo, e ka vendosur Ai që ka vendosur Shqipërinë dhe shqiptarët në zemër të Evropës”, tha Rama.

Sigurisht, shtoi kreu i qeverisë, “mund të diskutojmë për çdo gjë dhe mund të kemi dyshime, për çdo gjë, qoftë dhe mbi mirësinë që kjo marrëveshje ka, nëse do të jetë diçka me vlerë, apo do të jetë një gabim, por sidoqoftë, nëse do të jetë një gabim, do të jetë një gabim i bërë me zemër dhe jo nga llogaritjet e egra”.

Ndërkohë, theksoi Rama, “që në vend që të flasim e të flasim, ne u përpoqëm të bëjmë, pa pasur pretendimin që ta zgjidhim këtë problem kaq të madh të migracionit në Evropë, por nga ana tjetër pa ndenjur në vend thjesht duke biseduar e folur për këtë siç bënin dikur priftërinjtë e Kostandinopojës që flisnin për seksin e engjëjve, ndërkohë që muret e qytetit ishin bërë gjithë vrima nga goditjet, por duke u përpjekur që të ndërtojmë dhe të shtojmë diçka konstruktive”.

“Thënë kjo, shpresoj që të mund të kuptohet ajo që kam në shpirtin tim për faktin që kam jetuar si kryeministër i këtij vendi të gjithë këtë spektakël gjysmë të vërtetash që janë gënjeshtra, fatalitete të mëdha dhe çastet e një balte të pamerituar ndaj shqiptarëve dhe ndaj Shqipërisë”, tha Rama.

(ATSH)

Lexo më shumë nga

Super Gjermania!

Gjermania e nisi rrugëtimin në Europian, në mënyrën më të mirë të mundshme, duke mposhtur Skocinë 5-1

Global 360

G7 – Papa Françesku u kërkon udhëheqësve të ndalojnë armët e IA-së

Papa Françesku u ka bërë thirrje sot udhëheqësve të Grupit të Shtatë (G7) që të miratojnë një qasje të kujdesshme…

Diplovista

Hasani për median vendase: Rumania vend partner në rrugën e Shqipërisë drejt integrimit në BE

Ministri për Evropën dhe Punët e Jashtme, Igli Hasani, intervistë për median rumune “CaleaEuropeană.ro”.

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Super Gjermania!

Gjermania e nisi rrugëtimin në Europian, në mënyrën më të mirë të mundshme, duke mposhtur Skocinë 5-1