Zyrtarja e KiE: Ekspertizë në uljen e dosjeve të prapambetura në gjykata

Drejtuesja e zyrës së Këshillit të Evropës, Giulia Re, tha sot se Bashkimi Europian do të mbështesë përmes ekspertizës drejtësinë shqiptare, për të rritur efikasitetin, për të mënjanuar ekzistencën e dosjeve të prapambetura.


Drejtuesja e zyrës së Këshillit të Evropës, Giulia Re, tha sot se Bashkimi Europian do të mbështesë përmes ekspertizës drejtësinë shqiptare, për të rritur efikasitetin, për të mënjanuar ekzistencën e dosjeve të prapambetura.

E pranishme në tryezën e organizuar në Tiranë nga Këshilli i Lartë Gjyqësor për prezantimin e strategjisë së re për uljen e numrit të dosjeve të prapambetura në gjykata 2024-2027, zyrtarja e Këshillit të Evropës tha se institucionet e drejtësisë duhet të përdorin në mënyrë më efikase instrumentet që kanë në dispozicion.

“Përgjatë viteve asistenca jonë ka qenë në shërbim të përdoruesve të gjykatës, partnerët tanë dhe veçanërisht gjykatat e brendshme dhe institucionet e reja të drejtësisë, që kanë synim për t’iu mbështetur në punën e tyre të përditshme për të pasur më efikasiteti dhe për të dhënë drejtësi cilësore ndaj qytetarit”, tha Re.

Sipas saj, bashkëpunimi me KLGJ ka qenë tejet i frytshëm.

“Falënderoj KLGJ për bashkëpunimin që kam pasur në fushat prioritare të reformës në drejtësi dhe në proceset e tjera komplekse, si propozimi për hartën gjyqësore në përputhje me treguesit e Komisionit Europian për Efikasitetin në Drejtësi në Këshillin e Europës (Sepezhit) dhe për sistemin e menaxhimit elektronik të rasteve”, vijoi Re.

“Lidhja mes eficencës dhe uljes së dosjeve të prapambetura është thelbësore, prandaj, ende ka nevojë të çojmë më tej përpunimin e këtyre të dhënave në sistemin gjyqësor si statistika të përputhura me praktikën evropiane dhe që vlerëson backlogun”, u shpreh Re.

Sipas saj, “Këto shërbime, e vendosin qytetarin në qendër të vëmendjes dhe të gjitha këto na duhen, por po ashtu ka nevojë për ngritje kapacitetesh për profesionistët e drejtësisë dhe magjistratët për përdorimin efikas të mjeteve dhe instrumenteve të disponueshëm”.

Re shtoi se kjo situatë nuk duhet të përsëritet më në të ardhmen, ndërsa garantoi mbështetjen e familjes europiane me ekspertizë.

“Ka nevojë për ngritje kapacitetesh për magjistratët dhe përdoruesit e drejtësisë për të përdorur më me efikasitet mjetet dhe instrumentet. Të gjitha fushat kanë pësuar progres, falë dhe angazhimit të sektorit të drejtësisë me synimin përfundimtar për të bërë sa më të drejtë kohën e procesit gjyqësor, për të dhënë drejtësi brenda një kohe të caktuar, ku shërbimet gjyqësore të jenë sa më pranë dhe afër qytetareve”, tha ajo.

“Komisioni Europian për Efikasitetin në Drejtësi në Këshillin e Europës (Sepezhi) ka miratuar instrumentin e ri për dosjet e prapambetura, të gjitha këto janë të përshtatura me natyrën e kontekstin shqiptarë dhe të sistemit të drejtësisë në Shqipëri dhe në respektim të plotë të me pavarësinë e gjyqësorit në vetvete. Përmes kësaj ekspertizë, kemi zotimin për t’u bërë bashkë me ju” tha Re gjatë fjalës së saj.

Strategjia e re e hartuar nga KLGJ bën bashkë të gjitha institucionet e drejtësisë dhe ka si qëllim që t’i japë zgjidhje dosjeve të prapambetura, të cilat ende nuk janë gjykuar nga togat e zeza. Strategjia parashikon që stoku i dosjeve të shqyrtohet përfundoi brenda vitit 2027.

Lexo më shumë nga

Balluku në Londër, fton të rinjtë të kontribuojnë pranë Agjencisë së Inovacionit dhe Ekselencës

Zëvendëskryeministrja, njëherësh ministre e Infrastrukturës dhe Energjisë, Belinda Balluku, si dhe drejtuesja e Agjencisë së Inovacionit dhe Ekselencës Ledi Imeraj…

Global 360

Osmani: Të mbështetet Ukraina, të mos shpërblehet agresioni i Rusisë

Presidentja e Kosovës, Vjosa Osmani ka mbajtur fjalimin përmbyllës në Samitin e Paqes për Ukrainën në Zvicër ku morën pjesë…

Diplovista

Bregu: Zero roaming me BE-në deri më 2027

Perspektiva e Bashkimit Evropian për Ballkanin Perëndimor nuk është më një proces datash, BE-ja po ndryshon, ndoshta duhet të ndryshohet…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Balluku në Londër, fton të rinjtë të kontribuojnë pranë Agjencisë së Inovacionit dhe Ekselencës

Zëvendëskryeministrja, njëherësh ministre e Infrastrukturës dhe Energjisë, Belinda Balluku, si dhe drejtuesja e Agjencisë së Inovacionit dhe Ekselencës Ledi Imeraj…