Veliaj: Ambicia ime, Tirana kryeqyteti digjital i Evropës Juglindore

Kryetari i bashkisë së Tiranës, Erion Veliaj priti në takim CEO-n e Bordit të Fondacionit Shqiptaro-Amerikan për Zhvillim, Michael Granoff


Kryetari i bashkisë së Tiranës, Erion Veliaj priti në takim CEO-n e Bordit të Fondacionit Shqiptaro-Amerikan për Zhvillim, Michael Granoff, me të cilin ndau lajmin e mirë për dy projekte të reja, që priten të nënshkruhen së shpejti për ta kthyer Piramidën e Tiranës, në qendrën më të madhe teknologjike, jo vetëm në vend, por në të gjithë rajonin.

Duke u ndalur te transformimi i Piramidës, edhe me financimin e AADF-së, Veliaj shpalosi ambicien për ta kthyer Tiranën në kryeqytetin digjital për Europën Juglindore. Ai tha se tashmë Piramida është kthyer në një destinacion për shqiptarët, por sidomos për turistët. “Me Fondin Shqiptaro-Amerikan për Zhvillim kemi një histori të jashtëzakonshme suksesi me Pazarin e Ri, ku është rritur ndjeshëm vlera e pronës në atë zonë, duke sjellë një stil të ri menaxhimit – nga një aset i degraduar që ishte dikur, sot ka një vlerë të madhe, dhe fakti që është mbushur me aktivitete, duke u bërë një vatër e turizmit intensive në Tiranë, na bën të mendojmë se ishte investimi i duhur. Por, qershia mbi tortë është Piramida, e cila rezulton të jetë vendi më i fotografuar dhe më i vizituar i Tiranës, ku përqëndrohet numri më i madh i turistëve”, tha Veliaj.

Si qëllim kryesor i projekteve të reja që pritet të zbatohen, kryebashkiaku Veliaj tha se është thellimi i njohurive digjitale për të apasionuarit pas teknologjisë mbi moshën 18 vjeç. “Rreth 1600 fëmijë çdo muaj ndjekim kurse te Piramida. Kjo nënkupton se brenda një viti do kemi rreth 20 mijë fëmijë nga Tirana, që do të marrin aftësi digjitale. Pyetja është: Çfarë do të bëjnë pas moshës 18 vjeç? Me kolegët francezë po diskutojmë për një bashkëpunim me “Ecole-42”. Kryeministri e ka ngritur si çështje, jemi shumë afër një marrëveshje, ku të kemi mundësi që, për studime të avancuara, pas moshës 18 vjeç, të prodhojmë vërtet një ekosistem. Janë punë që paguhen më mirë, të rinjtë ngelen në Shqipëri, nuk ka nevojë të shkojnë jashtë fizikisht. Madje, shumë kompani po sjellin edhe stafin e tyre në Shqipëri, për të punuar nga këtu. Ambicia ime është që Tirana të jetë kryeqyteti digjital i Europës Juglindore”, shtoi ai.

Veliaj dha lajmin e mirë se me AADF-në po punohet edhe për një tjetër projekt, që ka të bëjë me lidhjen e Liqenit të Farkës me Liqenin Artificial të Tiranës, përmes një parku linear që mund të përdoret nga të gjithë. “Na mundëson që qyteti të shijohet nga të gjithë, ofron një demokraci në përdorimin e parqeve tona. Besoj se, ashtu si te Piramida dhe Pazari i Ri, ku kemi prodhuar një histori suksesi, qepja e këtyre tre parqeve si një çentro e gjelbër e Tiranës, për t’u aksesuar nga të gjithë, do të jetë gjithashtu një histori suksesi”, tha ai.

Duke i cilësuar të suksesshme të gjitha projektet e zbatuara në bashkëpunim me Bashkinë e Tiranës, CEO i Fondit Shqiptaro-Amerikan, Michael Granoff foli për programet që synohet të integrohen te Piramida e Tiranës për edukimin e mëtejshëm digjital jo vetëm të fëmijëve, por edhe të të rriturve.

“Tani që e kemi çuar në nivelin ku duhet Piramidën, jemi duke u përpjekur të shtojmë edhe copëza të tjera, për ta kthyer në një qendër gjithëpërfshirëse të edukimit digjital, jo vetëm në Tiranë, por në të gjithë vendin. Kemi disa programe shtesë si “Plug & Play”, që mund t’ia shtojmë kurrikulës. Këto janë programe botërore të edukimit digjital, që mund t’i sjellim te Piramida, duke zgjeruar menunë e programit që ofrojmë në Shqipëri për edukimin e mëtejshëm digjital për fëmijë dhe të rritur. Sot jetojmë në një ekosistem dhe çdo gjë që mund të bëjmë bashkë për ta bërë qytetin më të jetueshëm dhe më të ndërgjegjshëm për mjedisin, është diçka e mirë për ne, është e mirë për Tiranën dhe është e mirë për gjithë vendin, por është diçka e mirë edhe për Fondacionin. Ne kemi një bashkëpunim shumë të mirë në zbatimin e këtyre projekteve. Arsyeja pse projektet që ne bëjmë së bashku janë kaq të suksesshme është se kemi besim, se bashkë ne mund të bëjmë punë të mira për shqiptarët dhe për Tiranën, në veçanti”, përfundoi Granoff.

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.