Gonzato: Administrata, rol kyç për integrimin e Shqipërisë së BE

Ambasadori i BE e cilësoi administratën si “makineria përmes së cilës përparësitë politike të një vendi zbatohen”.


Ambasadori i Bashkimit Europian në Tiranë, Silvio Gonzato, tha sot se roli i administratës publike është kyç për suksesin e negociatave për integrimin në BE.

Gonzato ishte këtë të hënë i pranishëm në aktivitetin e zhvilluar në përmbyllje të projektit “Young Cells Albania”, i financuar nga BE. Projekti kishte si qëllim rritjen e kapaciteteve të nëpunësve civilë të administratës publike. BE i dha mundësi nëpunësve të rrisin aftësitë e tyre përmes trajnimeve, praktikave dhe vizitave studimore në administratat e vendeve anëtare të BE-së.

“Kjo fazë u ka dhënë 23 nëpunësve të rinj të administratës publike mundësinë për t’u formalizuar me legjislacionin e BE-së, por edhe me mënyrën si zyrtarë të administratës publike të BE-së punojnë. Siç u tha, vjen në një kohë mjaft të mirë, në kohën kur Shqipëria ka mbërritur në një fazë kritike në bisedimet për anëtarësim. Një fazë ku rëndësia e administratës publike, një administratë publike e cila është kompetente, që është e pavarur, që është transparente është kyç për suksesin e Shqipërisë në negociatat e anëtarësimit”, u shpreh ai.

Gonzato e cilësoi administratën si “makineria përmes së cilës përparësitë politike të një vendi zbatohen”.

Sipas diplomatit të BE, administrata publike është pjesë e grupkapitujve në fushën e integrimit. “Është kapitulli që do të çelë negociatat e do t’i mbyllë ato. Kapaciteti i administratës do të jetë edhe më i rëndësishëm kur Shqipëria të bëhet anëtare e BE, sepse duhet të përshtateni me kushtet e tregut të përbashkët dhe që të jeni në gjendje të përdoren efektivisht instrumentet që BE vendos në dispozicion të shteteve anëtare”, tha ai.

(Marrë nga ATSH)

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.