Mete: Nënshkruajmë me BB një projekt për menaxhimin e ujërave të ndotur

Ministri i Financave Ervin Mete po merr pjesë në Takimet e Pranverës të Bankës Botërore dhe Fondit Monetar Ndërkombëtar në Washington


Ministri i Financave Ervin Mete po merr pjesë në Takimet e Pranverës të Bankës Botërore dhe Fondit Monetar Ndërkombëtar në Washington, ku po zhvillon takime me zyrtarë të lartë të institucioneve financiare ndërkombëtare.

Në një intervistë dhënë për “Zërin e Amerikës”, ministri Mete tha se, “Takimet e Pranverës të Bankës Botërore dhe FMN-së, janë takime të përvitshme dhe për vetë rëndësinë që kanë BB dhe FMN si partnerë të rëndësishëm zhvillimi dhe bashkëshoqërues të reformave në Shqipëri, në gjithë këto vite, ne këto takime kemi mundësi të shkëmbejmë qëndrime mbi zhvillimet e tashme dhe të ardhme si dhe mbi projekte që do të angazhohemi me nivelet ekzekutive të Bankës Botërore dhe FMN-së. Gjithashtu dhe të mund të fokusohemi qoftë në projekte që i përgjigjen zhvillimeve të momentit, apo reforma që janë të rëndësishme për ne”.

Mete bëri të ditur se, gjatë kësaj vizite do të nënshkruhet me zv. presidenten e Bankës Botërore, një projekt që parashikon një ndërhyrje për menaxhimin e ujërave të ndotur si dhe do të diskutohet për reforma të thelluara për mbrojtjen sociale.

“Gjatë këtyre ditëve ne do të nënshkruajmë me zv. presidenten e Bankës Botërore, një projekt që parashikon një ndërhyrje për menaxhimin e ujërave të ndotura që mund të derdhen në brigjet e detit apo përgjatë lumenjve të Vjosës, në mënyrë që të mirë menaxhohen në kuadër edhe të një turizmi të shtuar që ne kemi dhe ti përgjigjemi në mënyrë të qëndrueshme këtyre zhvillimeve.

“Ndërsa kemi pasur bisedime të thelluara lidhur me një ndërhyrje reformuese të shtyllave të mbrojtjes sociale, me fokus adresimin e nevojave të mbrojtjes së kapitalit njerëzor, duke pasur parasysh zhvillimet demografike në vend ku ekspertiza e Bankës Botërore është shumë e rëndësishme që ne të kemi ndërhyrje sa më të qëndrueshme”, tha Mete.

(Marrë nga ATSH)

Lexo më shumë nga

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Veliaj: Krenar teksa dëgjon historitë e guximshme të shqiptarëve të suksesshëm

Kryebashkiaku publikon foto nga përgatitjet për takimin e nesërm të kryeministrit Rama me sipërmarrësit shqiptarë të Lombardisë.