Biden fiton parapraket në Karolinën e Jugut

Presidenti amerikan, Joe Biden triumfoi në zgjedhjet paraprake demokrate në Karolinën e Jugut


Presidenti amerikan, Joe Biden triumfoi në zgjedhjet paraprake demokrate në Karolinën e Jugut, një fitore e pritur gjerësisht, por që falë shumicës shumë të madhe, e projekton presidentin drejtpërdrejt drejt nominimit dhe, sipas të gjitha gjasave, një sfidë të re kundër Donald Trump në votimin e nëntorit.

”Qytetarët e Karolinës së Jugut kanë folur dhe nuk kam asnjë dyshim se na kanë vënë në rrugën për të fituar sërish presidencën dhe për të mposhtur Donald Trump edhe një herë”, tha Biden duke falënderuar veçanërisht elektoratin afro-amerikan, i cili në vitin 2020 ishte vendimtar për të fituar Shtëpinë e Bardhë.

”Aksionet në këto zgjedhje nuk mund të jenë më të larta se sa kaq”, nënvizoi Biden.

”Ka zëra ekstremistë dhe të rrezikshëm që vendi të udhëhiqet nga Donald Trump dhe zëra të vendosur për të ndarë kombin tonë dhe për të na çuar prapa. Ne nuk mund ta lejojmë këtë të ndodhë. Ne kemi bërë një rrugë të gjatë në katër vitet e fundit, me Amerikën që ka tani ekonominë më të fortë në botë dhe inflacionin më të ulët nga çdo ekonomi e madhe. Le të vazhdojmë të ecim përpara. Le të përfundojmë atë që kemi filluar, së bashku”, këmbënguli presidenti.

Testi i zgjedhjeve paraprake në Karolinën e Jugut, i cili jo çuditërisht këtë vit u preferua ndaj New Hampshire si shteti i parë që priti zgjedhjet e demokratëve, i shërbeu gjithashtu fushatës së Biden për të testuar apelin e presidentit mes elektoratit me ngjyrë.

Pas muajsh sondazhesh që tregojnë një përqindje në rritje të votuesve me ngjyrë të zhgënjyer me administratën, këto zgjedhje paraprake ishin si një lehtësim në fushatë.

Ndalesa e radhës për demokratët do të jetë 6 shkurti në Nevada, ku dy ditë më vonë do të përballen kandidatët republikanë, Trump dhe Nikki Haley.

Më 5 mars do të votojnë 16 shtete, përfshirë Alabaman, Kalifornian, Koloradon, Teksasin, Minesotan, Massachusettsin, Virxhinian dhe Karolinën e Veriut.

Lexo më shumë nga

Katër marrëveshjet e arritura në Samitin Ballkani Perëndimor-BE

Na ulja e kostove të transaksioneve bankare te korsitë e gjelbra

Global 360

Rezoluta e PE: Mungesa e suksesit në dialogun Kosovë-Serbi dëmton besueshmërinë e BE-së

PE-ja i bëri thirrje Bashkimit Evropian që ta ndryshojë qasjen në dialog, në mënyrë që të ketë përparim.

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

“La dolce vita”, një kontrapunkt aktual edhe i shoqërisë sonë

Një botë kukullash, një botë teatri. Botë që duket në dritë, po që s'ka më dritë.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Katër marrëveshjet e arritura në Samitin Ballkani Perëndimor-BE

Na ulja e kostove të transaksioneve bankare te korsitë e gjelbra