Gonxhja: Artistja Iva Lulashi do të përfaqësojë Shqipërinë në Bienalen e Venecias

Ministria e Ekonomisë, Kulturës dhe Inovacionit mundësoi projektidenë “Love as a Glass of Water”.


Artistja Iva Lulashi do të përfaqësojë Shqipërinë në edicionin e 60-të të Bienales Ndërkombëtare të Artit në Venecia. Lajmin e dha ministri Blendi Gonxhja përmes një postimi në rrjetet sociale, ku shtoi se, Ministria e Ekonomisë, Kulturës dhe Inovacionit mundësoi projektidenë “Love as a Glass of Water”.

 

Bienalja e Venecias është një prej ngjarjeve më të mëdha artistike në arenën ndërkombëtare.

Përfaqësuesja e Shqipërisë, Iva Lulashi është një artiste që eksploron në terrene të guximshme dhe e ka ndërtuar karrierën e saj midis Shqipërisë e Italisë. Projekti i Lulashit, në pavijonin shqiptar, do të kurohet nga kritiku italian Antonio Grulli. Iva Lulashi ka lindur në Shqipëri (viti 1988), por është diplomuar në Venecia (viti 2016).

“Përmes artit të saj, Iva Lulashi na fton të shohim dashurinë dhe instinktin si gjuhë universale, forca primare që lidh njeriun me botën. Le të mbështesim artisten tonë në këtë udhëtim të shkëlqyeshëm në arenën ndërkombëtare”, shkroi ministri Gonxhja.

Makrotema e këtij edicioni të Bienales së Venecias, 20 prill – 24 nëntor, është “Të huaj kudo” dhe vjen nën drejtimin artistik të kuratorit brazilian Adriano Pedrosa.

Tema që do të trajtojë pavijoni shqiptar merr shkas nga teoria e “gotës së ujit”, që i përket periudhës para revolucionit rus dhe lidhet me mendimtaren revolucionare feministe Alexandra Kollontai (1872 –1952). Bëhet fjalë për një teori që lidhet me idenë e revolucionit seksual, ku impulset shihen si një nevojë e thjeshtë njerëzore që duhet përmbushur me lehtësinë e pirjes së një gote uji. Me një influencë shumë të madhe në qarqet artistike dhe letrare ruse, këto ide nisën të pengohen dhe përndiqen nga aparati politik revolucionar.

“Ndonëse metafora e gotës me ujë lidhet me lehtësinë e të pirit, nuk duhet harruar se uji është ai element jetësor, krejt si dashura. Dhe, është absurde që tema si dashuria dhe dëshira seksuale zënë një pjesë shumë të vogël në artin që prodhohet sot dhe ato asnjëherë nuk janë në qendër të aktiviteteve të mëdha apo të vogla, sikur të flitej për tabu, apo si çështje të lehta, jo të denja për vëmendje”, shprehet kuratori Antonio Grulli.

Lexo më shumë nga

EURO 2024 – Reja për ”Corriere dello sport”: Itali, kujdes me Shqipërinë!

Italiani me origjinë sllovene, Edy Reja është njeri që ka parë shumë, nuk ka qenë vetëm ish-trajner i Shqipërisë, shkruan…

Global 360

Presidenti i Republikës, Bajram Begaj

Kryeministri Albin Kurti, në ceremoninë e parakalimit të ushtarëve të FSK-së dhe policisë së Kosovës për nder të 25-vjetorit të…

Diplovista

Hasani për median vendase: Rumania vend partner në rrugën e Shqipërisë drejt integrimit në BE

Ministri për Evropën dhe Punët e Jashtme, Igli Hasani, intervistë për median rumune “CaleaEuropeană.ro”.

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

EURO 2024 – Reja për ”Corriere dello sport”: Itali, kujdes me Shqipërinë!

Italiani me origjinë sllovene, Edy Reja është njeri që ka parë shumë, nuk ka qenë vetëm ish-trajner i Shqipërisë, shkruan…