Izraeli falenderon SHBA për veton ndaj rezolutës së OKB-së

Ministri i Jashtëm, Eli Cohen, akuza ndaj Sekretarit të Përgjithshëm të OKB-së, Antonio Guterres


Izraeli falenderoi Shtetet e Bashkuara për veton e vendosur një ditë më parë rezolutës së OKB-së që kërkonte armëpushim të menjëhershëm humanitar në Gaza.

Trupat e tij vazhduan këtë mëngjes sulmin e tyre ndaj qytetit jugor të Khan Younisit me luftës mes shtetit hebre dhe Hamasit që ka hyrë tashmë në javën e saj të 10-të. Ministri i jashtë izraelit, Eli Cohen u shpreh se vendimi i Amerikës ishte i duhuri, dhe se armët nuk mund të ulen pikërisht tani kur vendi i tij po avancon ndjeshëm ndaj grupit militant islamik në enklavën e rrethuar.

Në të njëjtën kohë, Cohen sulmoi dhe sekretarin e përgjithshëm të Kombeve të Bashkuara, Antonio Guterres duke e akuzuar se në këtë mënyrë, ai po mban anën e Hamasit. Pozicioni i tij është një turp dhe një shenjë Kaini për OKB-në, u shpreh kryediplomati izraelit, që ka nga tjetër përcolli mirënjohjen për aleatët amerikanë, që mbështetën, siç tha ai, luftën e Izraelit për të kthyer në shtëpi pengjet e për ta çrrënjosur Hamasin një herë e mirë.

Dmitriy Polyanskiy, përfaqësues i Rusisë në OKB, deklaroi se diplomacia amerikane “po lë pas vetes tokë të djegur”, e i bëri thirrje SHBA-së të bëjë zgjedhjen e duhur” dhe të mbështesë kërkesën për t’i dhënë fund dhunës. Votimi i të premtes në Këshillin 15 anëtarësh, rezultoi me 13 vota pro dhe 1 kundër, ndërsa Mbretëria e Bashkuar abstenoi.

Zëvendësambasadori amerikan Robert Wood kritikoi këshillin pas votimit, për atë që e cilësoi dështim të tij, për të dënuar sulmet e Hamasit në Izrael dhe për të njohur të drejtën e Izraelit për t’u mbrojtur. Shqipëria, pjesëtare e këshillit të sigurimit edhe pse u shpreh pro rezolutës u shpreh se ndihej e keqardhur që Këshilli i Sigurimit nuk ka dënuar terrorin e Hamasit dhe nuk ka bërë mjaftueshëm thirrje për lirimin e pengjeve të mbetura.

Më tej, përfaqësuesja e Shqipërisë Albana Dautllari i bëri thirrje komunitetit ndërkombëtar të punojë drejt rivendosjes së perspektivës së një horizonti politik, të bazuar në parimet e së drejtës së Izraelit për të ekzistuar në siguri, dhe një rrugë të qëndrueshme për palestinezët që të kenë shtetin e tyre në liri.

Restaurohet Muzeu Etnografik i Krujës, Gonxhja: Trashëgimia kulturore mbështetje për ekonominë

Muzeu Etnografik i Krujës, i financuar nga Bashkimi Evropian, përmes programit EU4Culture, hapi dyert e tij për publikun.

Global 360

CNN zbulon prapaskenën e tërheqjes së Biden

Vendimi përfundimtar i Presidentit Joe Biden për t’u larguar nga gara u mor në 48 orët e fundit

Diplovista

Rakipi: Bisedimet Kosovë-Serbi të përqendrohen tek njohja, jo më në çështje teknike

Kryetari i Institutit për Studime Ndërkombëtare Albert Rakipi thotë se ka ardhur koha për një qasje tjetër në dialogun mes…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

Restaurohet Muzeu Etnografik i Krujës, Gonxhja: Trashëgimia kulturore mbështetje për ekonominë

Muzeu Etnografik i Krujës, i financuar nga Bashkimi Evropian, përmes programit EU4Culture, hapi dyert e tij për publikun.