Si u mor vendimi për hapjen e Ambasadës Izraelite në Shqipëri në 2012!

David Cohen është ambasadori i parë rezident i Izraelit në Shqipëri, nga 2012-2015.


Nga David Cohen,
ambasadori i parë rezident i Izraelit në Shqipëri

Pasi mbarova detyrën time si Ambasador i Izraelit në Kili në 2009, u emërova si Ambasador jorezident në tre vende: Bosnjë Hercegovinë, Maqedoni dhe Shqipëri.

Zyra ime kryesore ishte në Ministrinë e Punëve të Jashtme në Jeruzalem.

Çdo muaj udhëtoja në një vend për një javë, për të rritur bashkëpunimin në të gjitha fushat.

Në 2011, Ministri izraelit i Punëve të Jashtme, Avigdor Liberman, vizitoi Shqipërinë dhe ai u prit shumë ngrohtësisht nga Kryeministri i Shqipërisë Sali Berisha. Në një ditë Berisha u takua me Liberman, katër herë në ngjarje të ndryshme. Kryeministri Berisha i përsëriti shumë herë gjatë vizitës Libermanit, se Shqipëria është shumë miqësore me Izraelin.

Përurimi i Ambasadës së Izraelit në Shqipëri nga ana e Ministrit të Jashtëm, Avigdor Liberman dhe ambasadorit David Cohen.

 

Pas disa muajsh Berisha kishte planifikuar të vizitonte Izraelin.

Disa ditë para vizitës së tij, i thashë ministrit Liberman se, ne duhet të kthejmë vizitën e ngrohtë që bëmë në Tiranë. “Atë që sugjeroni ambasador Cohen”, më pyeti dhe unë iu përgjigja se, dëshira e parë diplomatike e Shqipërisë ishte që, sa më shumë vende ta njohin Kosovën si vend të pavarur.

Vendosja e Mezuzah në derën e Ambasadës së Izraelit në Shqipëri nga ana e Ministrit të Jashtëm, Avigdor Liberman

 

Ministri nuk u përgjigj dhe unë menjëherë kuptova se, kjo çështje në atë moment ishte e ndërlikuar, duke marrë parasysh vështirësitë izraelite me Autoritetin Palestinez.

Pas një minute i thashë Libermanit se, gjëja e dytë që do t’i japë mysafirit tonë me shumë kënaqësi do të jetë nëse Izraeli do të vendosë të krijojë Ambasadën Izraelite në Tiranë, kryeqytetin e Shqipërisë.

Edhe një herë Ministri Liberman nuk m’u përgjigj. Të nesërmen patëm një drekë të zakonshme dhe para se të ulesha më tha: “Ambasador sugjerimi yt është shumë i mirë dhe ne do t’ia dalim”.

Pas disa javësh erdhi në Izraeli kryeministri shqiptar, Sali Berisha, dhe gjatë drekës së parë Ministri Liberman i tha atij se Izraeli do të themelonte Ambasadën e tij në Tiranë.

Kryeministri Berisha ishte aq i lumtur sa që e falënderoi mikpritësin izraelit shumë herë pa pushim. Vizita e tij ishte shumë e suksesshme që në momentin e parë.

Shumë shpejt gjeta veten si Ambasadori i parë rezident në Shqipëri.

Vendosja e Mezuzah në derën e Ambasadës së Izraelit në Shqipëri nga ana e ambasadorit David Cohen.

Lexo më shumë nga

Kos takim me liderët e Ballkanit Perëndimor në Mynih, i pranishëm edhe Rama

Komisionerja e BE-së për Fqinjësinë dhe Negociatat për Zgjerimin, Marta Kos është takuar me lideret e Ballkanit Perëndimor në Mynih,…

Global 360

Roli i NATO-s në Kosovë, Osmani takon gjeneralin Cavoli

NATO përfaqësohet në Kosovë përmes misionit paqeruajtës KFOR

Diplovista

Rama për “La Razón”: Trump mund të jetë një bekim për Evropën, mund ta zgjojë dhe ta bëjë fuqi të madhe

“Trump mund të jetë një bekim për Evropën pasi mund ta zgjojë dhe ta bëjë një fuqi të madhe”, tha…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Shkrimtarët…

Shkrimtarët duhet ta kapërcejnë sa më parë harkun kulturor lokal, për ta bërë letërsinë e tyre emancipuese, universale

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Kos takim me liderët e Ballkanit Perëndimor në Mynih, i pranishëm edhe Rama

Komisionerja e BE-së për Fqinjësinë dhe Negociatat për Zgjerimin, Marta Kos është takuar me lideret e Ballkanit Perëndimor në Mynih,…