Ermir Dizdari, magjia e dirigjimit!

80-vjetori i dirigjentit të madh durrsak, emblemës së pentagramit


Nga BUJAR QESJA, “Mjeshtër i Madh”

26 prill 2023! Ditë e zakonshme, në fundin e muajit të dytë të pranverës së dytë. Por për Ermir Dizdarin, është ditë e veçantë. Frymëmarrja e tij është në vitin e 80-të nga dita e nisjes. Lartësi jo e vogël jetësore. Për të mbushur njëqindëshin, Ermirit i duhen edhe 20 vite jetë për të kapur urimin e lashtë popullor: “U bëfsh 100”!

Më tërhoqi vëmëndjen, thënia e kompozitorit të njohur Ylli Ramzoti. “Kënaqësi të festosh 80-të vjetorin, në mes miqsh dhe veprave”. Po Ermir Dizdari, fatlum që kur kujton 960 muajt e jetës tënde, ndodhesh i rrethuar nga miqtë dhe shokët, nga artëdashësit durrsakë, të cilëve u shërbeve me pasionin e shpirtit dhe me ndjeshmërinë e zemrës!

U bë një festë për ty sot në Durrës. U lexuan shumë përshëndetje. T’u dhanë jo pak vlerësime. Oratorë me letra në duar, lexonin në publik atë që kishin përgatitur. Mjedisi ku ta përkujtuan 80-të vjetorin e lindjes, m’u duk si fidanishte ku lulet më të bukura ishin mbledhur për ty. Dhe në tërë këtë kuvend festiv, shëndriste si zjarr buzëqeshja e jote, dilte në pah mirësia e jote dhe trupi i përkulur deri në bel përshëndeste, e përshendeste.

Isha ulur diku në atë sallë, ku kam dorëzuar një pjesë të jetës time. Dhe të vështroja me sytë e memories. Fare i ri, t’u dorëzua të drejtoje operën “Bijtë e Skëndërbeut”. Dhe m’u çfaqe si drejtues gjigand, që me shpatën e fuqishme të dirigjimit, udhëhiqje kalorësit e interpretimit drejt betejave të përkryera muzikore. Nuk dua të shpërdoroj emrin e heroit tonë kombëtar, por ti në skenë ishin një Skëndërbe i muzikës, ku kalërove me fuqinë e dirigjimit në mjaft skena.

Ermir Dizdari! Vështroj emrin tënd dhe kap të veçantën. Erë e mirë = Ermir. Ti u bëre dhe mbete era e mirë e dirigjimit, e atij dirigjimi që e vendos në historinë e kulturës dhe artit durrsak. Trupi yt i brishtë, me fuqinë kolosale të saktësisë së trajtimit të notave muzikore, nxirrte në pah magjinë e një shpirti të madh, të pasionit dhe vullnetit të patjetërsueshëm, për të bërë art, për të bërë muzikë, për të dhënë gjithnjë të freskët fuqinë e talentit të madh dhe fatmirësisht të pazbehur.

 

Lule për ty Ermir, nga 16 fluturat e orkestrës, veshur me ngjyrën e pastër të gjakut. Lule nga Sigal Unik Austria që merr nder nga nderi yt. Lule që vijnë nga Amerika, nga Marita jote e pandarë, nga…, nga…

Ti sot Ermir Dizdari u ktheve në një buqetë gjigande, ku era e mirë e emrit tënd Ermir, pushtoi jo vetëm sallën, por tërë Durrësin.

80 vitet e tua, janë nga pak edhe tonat. Janë tonat, se të kemi patur pranë gjithë kohën, ke qenë, je dhe do të betesh gjithnjë miku ynë i mrekullueshëm, ku komunikimi i qetë si bunaca e detit, e folura me elekuencë dhe e urtë, mendimi i mënçur, kultura e gjërë, qetësia që ngjason me mbrëmjen plot yje, e ecura sikur po interpreton ëmbël një partiturë, përbëjnë shembullin e njeriut më të “thjeshtë se vetë thjeshtësia” siç u shpreh oratori.

Punë, punë, punë! Pasion, pasion, pasion! Vullnet, vullnet, vullnet! Tri shtylla, ku qendron themeli i 80-të viteve të asaj që quhet jeta e jote. Sa shembull rrezaton! Leksion i gjallë qytetarie, kulture dhe vetëdije, me ngjyrën me fuqinë e artit dhe mënçurisë njerëzore që të shoqëron. Ndonëse po tentoj, por mbetem shumë i varfër në gjuhën që meriton të etiketohesh në këtë ngjarje, që drejtë me thënë të vendos në lartësinë e një deliri të merituar.

Vrapo nëpër festivale, jashtë dhe brenda vëndit. Shqiptarët përtej kujfijve, autoktonë në tokat e tyre të kanë idhull. Po ku e kishe gjetur atë violinist me emrin Ermal Sinamati, që e kujtoi gjyshin e tij me atë solo me violinë kushtuar “Të falem o i bukuri Durrës”! U fol jo pak, për të mos thënë borxhi ndaj teje mbetet i madh. Është moral ky borxh, ku t’i pa dyshim mbetesh “oligark” potencial i artit dhe i kulturës. Me atë trup plot hijeshi dhe finesë, shkopi i dirigjientit më duket si shkopi që vë në lëvizje tërë botën, duke e rrotulluar me aq kujdes, rreth pasionit dhe vullnetit të jashtëzakaonshëm ndaj profesionit.

Nga “Bijtë e Skëndërbeut” drejt “Shërbëtorja Zonjë” e Pergolezes. Dhe të dyja ja dhurove Durrësin tënd, që as nuk të harron, por as edhe e harron. Shkoi vonë, e ditës tënde të 80-të vjetorit i kanë mbetur edhe pak orë. Nxitoj për ta publikuar këtë urim, që mbetet nderimi më i madh që të jep një shok, një mik, një bashkëpunëtor, një përkushtues ndaj punës dhe artit tënd, që mbetet gjithnjë në mrekullinë e interpretimit.

Dua të më kapë urimin tim, dita natyrale dhe e bekuar e lindjes. Prandaj këtij formulimi po i vjen fundi i gërmave. Dua ta mbyll këtu, për të hapur urime të tjera në përvjetorë të lindjes, ku padyshim fuqia e artit dhe kulturës tënde, do të shohin vetëm ngritje deri në qiell..

Ermir Dizdari, fuqi dhe magjia e dirigjimit! Urime!

Bujar Qesja

Durrës: 26 prill 2023

Koçiu: Njësi e lëvizshme për dhurim vullnetar të gjakut

Ministrja e Shëndetësisë dhe Mbrojtjes Sociale, Albana Koçiu mori pjesë sot në aktivitetin e organizuar në kuadër të Ditës Ndërkombëtare…

Global 360

Presidenti i Republikës, Bajram Begaj

Kryeministri Albin Kurti, në ceremoninë e parakalimit të ushtarëve të FSK-së dhe policisë së Kosovës për nder të 25-vjetorit të…

Diplovista

Hasani për median vendase: Rumania vend partner në rrugën e Shqipërisë drejt integrimit në BE

Ministri për Evropën dhe Punët e Jashtme, Igli Hasani, intervistë për median rumune “CaleaEuropeană.ro”.

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Koçiu: Njësi e lëvizshme për dhurim vullnetar të gjakut

Ministrja e Shëndetësisë dhe Mbrojtjes Sociale, Albana Koçiu mori pjesë sot në aktivitetin e organizuar në kuadër të Ditës Ndërkombëtare…