Hui Ka Yan, miliarderi kinez humbi 39 miliardë dollarë në pesë vjet

Në vitin 2017 pasuria e tij arriti pikën më të lartë, 42 miliardë dollarë. Sot ai ka vetëm 3 miliardë USD


Vitet e fundit nuk kanë qenë shumë të mira për pasanikët më të mëdhenj të Kinës, sidomos për ata që e kanë ndërtuar këtë pasuri përmes tregut të pronave të paluajtshme, dikur tepër fitimprurës.

Sipas Indeksit të Miliarderëve të revistës “Bloomberg”, pasuria neto e Hui Ka Yan, kryetarit të bordit drejtues të kompanisë së pasurive të paluajtshme “China Evergrande”, është pakësuar me 93%. Dikur ai ishte njeriu i dytë më i pasur në Azi; në vitin 2017 pasuria e tij arriti pikën më të lartë, 42 miliardë dollarë. Ndërsa sot, sipas “Bloomberg”, ai ka vetëm 3 miliardë.

“Evergrande” është kompania kineze me më shumë borxhe të pashlyera, rreth 300 miliardë dollarë dhe ka qenë epiqendra e problemeve të Kinës me tregun e pasurive të paluajtshme që prej vitit 2021. Hui, i njohur edhe si Xu Jiayin në gjuhën kineze, përdori pasurinë personale për të ndihmuar kompaninë e tij të tejkalonte problemet, duke shitur shtëpitë dhe avionët privatë.

Por kjo nuk mjaftoi, dhe në dhjetor 2021, “Evergrande” nuk shleu këstin e kredisë që kishte marrë në dollarë, pavarësisht përpjekjeve për të mbledhur para nga investitorë të ndryshëm. Vitin e kaluar, kompania nuk arriti as të dorëzonte planin e ristrukturimit të borxhit, duke ngritur edhe më shumë pikëpyetje për të ardhmen e saj.

“Evergrande” është një kompani gjigante, ka rreth 200 mijë punonjës, ka arkëtuar më shumë se 110 miliardë dollarë nga shitjet në vitin 2020 dhe ka në pronësi më shumë se 1300 prona në 280 qytete.

Prej kohësh, analistët kanë ngritur shqetësime se falimentimi i saj do të nisë një efekt domino në tregun kinez të pasurive të paluajtshme, duke dëmtuar pronarët e banesave dhe sistemin financiar në përgjithësi. Tregu i pasurive të paluajtshme dhe industritë që lidhen me të përbëjnë 30% të Prodhimit të Brendshëm Brudo të Kinës.

Hui nuk është i vetmi që ka humbur një pasuri kaq të madhe kohët e fundit. Muajin e kaluar, “Bloomberg” raportoi se Elon Musk, CEO i Tesla, SpaceX dhe Twitter, u bë njeriu i parë që humbi 200 miliardë dollarë pasuri, kryesisht pas rënies me 65% në vlerë të aksioneve të Tesla-s në vitin 2022.

Sulmi kibernetik nga Irani, Shqipëria plan strategjik për sigurinë e informacionit

Autoritetet publikuan sot planin strategjik për sigurinë e informacionit, pas sulmit kibernetik të ardhur prej Iranit

Global 360

A do të ndikojë tërmeti në zgjedhjet e 14 majit në Turqi?

Erdogan ka shpallur një gjendje të jashtëzakonshme tre-mujore pas katastrofës së tërmetit vdekjeprurës.

Diplovista

Ambasadori Alastair King-Smith: Shqipëria historikisht është lidhur me Mbretërinë e Bashkuar

Ambasadori i Mbretërisë së Bashkuar Alastair King-Smith, në një intervistë mbrëmjen e sotme për Grida Dumën në “Top Story”, ka…

Gjeopolitika

Erdogan: Nuk ka anëtarësim në NATO për Suedinë!

Deklarata e vjen pas protestës së mbajtur në Stokholm, ku u dogj edhe një kopje e Kuranit, librit të shenjtë…

OPED

“Serbia 2022”, në gjunjë nga Moska dhe barikadat antiperëndimore!

Gjeneral Piro Ahmetaj është ekspert për SK, Rajonin dhe NATO, Zv/Pesident i Këshillit të Atlantikut dhe Ish: Këshilltar i Presidentit të…

Profil

Mit’hat Frashëri, avokati i shquar i Shqipërisë

Kemi marrë nga një shqiptar i Amerikës, Z. Lumo Skëndo, një thirrje në favor të pavarësisë së vendit të tij…

Masmedia

Si shpëtoi për 30 vjet Matteo Messina Denaro, kryemafiozi i Cosa Nostra

Kreu i Cosa Nostra-s dhe i arratisuri kryesor italian nuk gjendej prej 30 vitesh, edhe pse tashmë diheshin shumë gjëra…