Këshilli i Ministrave vendosi në mbledhjen e sotme disa lëvizje në nivel zëvendësmistrash.

Kështu, mbi bazën e ligjit “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi emërimin e Ilva Gjuzit si zëvendësministër i Turizmit dhe Mjedisit.
Blerta Rama emërohet zëvendësministër i Ekonomisë, Kulturës dhe Inovacionit.
Silda Çepe emërohet zëvendësministër për Evropën dhe Punët e Jashtme ndërsa Sofjan Jaupaj emërohet zëvendësministër i Turizmit dhe Mjedisit.

Po ashtu, Këshilli i Ministrave liroi nga detyra Endrit Yzeirajn si zëvendësministër i Ekonomisë, Kulturës dhe Inovacionit dhe emërimin e tij si zëvendësministër për Evropën dhe Punët e Jashtme.

Këshilli i Ministrave vendosi po ashtu lirimin nga detyra të Almira Xhembullës si zëvendësministër i Turizmit dhe Mjedisit, ndërsa Vilma Bello lirohet nga detyra si zëvendësministër i Turizmit dhe Mjedisit.

(ATSH)