Hapet tuneli i Llogorasë, shkurton distancat drejt bregdetit të Jugut

Tuneli i Llogorasë do ketë një shpejtësi rreth 80 km në orë. Ai shkurton distancën nga Dukati në Palasë nga 40-45 minuta në vetëm 7-8 minuta.


Tuneli i Llogorasë prej sot u hap për qarkullim. Vepra infrastrukturore shkurton ndjeshëm distancat për në bregdetin e Jugut. Tuneli nis 500 metra larg urës së Shën Elizës, që është pjesë e rrugës Orikum-Dukat.

Në hapjen e tunelit të Llogorasë ishte i pranishëm paraditen e sotme Kryeministri Edi Rama, zëvendëskryeministrja dhe ministrja e Energjisë dhe Infrastrukturës Belinda Balluku, zyrtarë dhe shumë banorë të zonës sikundër edhe pushues.

Në hyrje të tunelit, Rama u prit me iso polifonike, ndërsa bisedoi me qytetarë të pranishëm. Më pas ai përshkoi tunelin e sapohapur me një autobus të mbushur me qytetarë, të cilët shprehën kënaqësinë për këtë vepër që jo vetëm shkurton distancat drejt jugut, por nxit turizmin dhe ekonominë e zonës.

“Ka dy vite që punohet për këtë tunel. Jugu tashmë është i lidhur. I gëzojnë fëmijët tanë”, tha një zonjë nga zona e Labërisë.

“U lidh Deti Jon me Adriatikun. Do të rritet dhe cilësia e turizmit. Do të rrisë mirëqenien. Ta gëzojmë ndërkombëtarisht. Vlerë e jashtëzakonshme”, u shpreh një qytetar tjetër.

“Ishte një ëndërr, duket si përrallë e dikurshme. Sot po kalojmë dhe po e shijojmë këtë vepër. I jep vlerë dhe Llogorasë, pasi kthehet në një atraksion turistik, jo vetëm rrugëkalimi”, u shpreh qytetari.

“Këto përrallat e dikurshme do t’i kthejmë realitet. Të tërë e kanë premtuar tunelin e Llogorasë, të tërë e kanë premtuar dhe aeroportin e Vlorës. Në fund të vitit e mbarojmë dhe aeroportin. Më pas janë testimet. Sot një vit besoj ulim avionin e parë. Korridorin blu do ta mbarojmë. Ajo që patë nga Thumana në Kashar, do të jetë nga kufiri me Malin e Zi deri në Fier. Pra e gjithë autostradë deri tek tuneli”, tha Rama.

“Ne vlonjatët për 20 minuta ikim nga shtëpia në Palasë. Veshim rrobat e banjës dhe ikim në Palasë”, tha një tjetër qytetar.

Një shtetase polake, tha se kishte shtatë vite që punonte në Shqipëri. “Unë me sytë e mi i shoh ndryshimet në Vlorë. Kam disa vite qe jetoj këtu. Ishte kënaqësi të isha këtu”, tha ajo.

Tuneli i Llogarasë ka një gjatësi prej 5.9 kilometrash. Ky tunel do të shkurtojë ndjeshëm kohën e udhëtimit drejt bregdetit të jugut, një vepër historike që do të ndryshojë përgjithmonë udhëtimin drejt jugut të vendit.

Tuneli i Llogorasë përbëhet nga dy tunele, tuneli kryesor dhe ai i emergjencës. Si tuneli kryesor, ashtu edhe ai i emergjencës, kanë 11 tunele lidhëse me njëri-tjetrin në gjithë gjatësinë e tyre. Thellësia e vijës së projektit të tunelit është 1 kilometër nga sipërfaqja e tokës.

Tuneli i Llogorasë do ketë një shpejtësi rreth 80 km në orë. Ai shkurton distancën nga Dukati në Palasë nga 40-45 minuta në vetëm 7-8 minuta. Ky investim shkurton rrugën për udhëtarët nga Vlora në Palasë që nëse dikur bëhej për 1 orë, tashmë ajo do realizohet për 20 minuta.

(Marrë nga ATSH)

Lexo më shumë nga

Atentati ndaj Trump, Nikolla: Dhuna dhe demokracia janë të papajtueshme

Kryetarja e Kuvendit, Lindita Nikolla reagoi sot atentatin ndaj ish-presidentit të Shteteve të Bashkuara të Amerikës, Donald Trump.

Global 360

Biden dënon dhunën politike, pas atentatit kundër Trump

Presidenti i SHBA Joe Biden ka dënuar dhunën politike pas një sulmi në mitingun e ish-presidentit Donald Trump.

Diplovista

Bregu: Zero roaming me BE-në deri më 2027

Perspektiva e Bashkimit Evropian për Ballkanin Perëndimor nuk është më një proces datash, BE-ja po ndryshon, ndoshta duhet të ndryshohet…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

Atentati ndaj Trump, Nikolla: Dhuna dhe demokracia janë të papajtueshme

Kryetarja e Kuvendit, Lindita Nikolla reagoi sot atentatin ndaj ish-presidentit të Shteteve të Bashkuara të Amerikës, Donald Trump.