Ministria e Drejtësisë nxjerr për konsultim strategjinë kombëtare kundër pastrimit të parave

Ministria e Drejtësisë ka nxjerrë për konsultim publik Strategjinë Kombëtare për Parandalimin e Pastrimit të Parave dhe Financimit të Terrorizmit për periudhën 2024-2030.


Ministria e Drejtësisë ka nxjerrë për konsultim publik Strategjinë Kombëtare për Parandalimin e Pastrimit të Parave dhe Financimit të Terrorizmit për periudhën 2024-2030.

Ky dokument është produkt i një procesi të gjatë koordinimi dhe bashkëpunimi ndërinstitucional, duke përfshirë praktikat më të mira të fushës dhe nevojat e evidentuara nga institucionet e përfshira.

Qëllimi kryesor i Strategjisë është krijimi i një ekonomie dinamike dhe një sistemi financiar të sigurtë dhe të integruar, duke përmirësuar dhe modernizuar regjimin kundër pastrimit të parave dhe financimit të terrorizmit. Strategjia synon garantimin e sigurisë së shtetasve shqiptarë dhe respektimin e të drejtave dhe lirive individuale. Për të arritur këtë qëllim, janë identifikuar katër prioritete kryesore: Përmirësimi i politikbërjes dhe koordinimit. Rritja e efektivitetit operacional në parandalim. Përmirësimi i efikasitetit operacional të organeve ligjzbatuese dhe agjencive të tjera. Përdorimi dhe shfrytëzimi i inovacioneve teknologjike duke zvogëluar rreziqet .

Strategjia adreson masat specifike për arritjen e qëllimeve dhe prioriteteve të saj, duke marrë parasysh edhe harmonizimin me dokumente të tjerë strategjikë kombëtarë. Në dokumentin udhëzues për formulimin e strategjisë, janë përfshirë dhe objektivat e zhvillimit të qëndrueshëm, si dhe politikat për nxitjen e ritmeve të zhvillimit ekonomik të vendit, sigurimin e mbrojtjes së të drejtave të qytetarëve dhe integrimin e Shqipërisë në Bashkimin Evropian.

Plani i veprimit i Strategjisë përfshin një seri masash për periudhën 2024-2027, duke përcaktuar objektivat specifike dhe treguesit strategjikë. Masat janë rezultat i një procesi të përbashkët dhe dakorduar nga autoritetet publike dhe sektori privat, të cilët janë të përfshirë në luftën dhe parandalimin e pastrimit të parave dhe financimit të terrorizmit.

Kjo strategji pritet të përforcojë përpjekjet e autoriteteve për të penguar kriminelët dhe kërcënimet e sigurisë kombëtare që të aksesojnë në sistemin financiar të vendit, duke siguruar kështu një sistem financiar të qëndrueshëm dhe të besueshëm për të gjithë qytetarët shqiptarë.

(Marrë nga ATSH)

Lexo më shumë nga

Atentati ndaj Trump, Nikolla: Dhuna dhe demokracia janë të papajtueshme

Kryetarja e Kuvendit, Lindita Nikolla reagoi sot atentatin ndaj ish-presidentit të Shteteve të Bashkuara të Amerikës, Donald Trump.

Global 360

Biden dënon dhunën politike, pas atentatit kundër Trump

Presidenti i SHBA Joe Biden ka dënuar dhunën politike pas një sulmi në mitingun e ish-presidentit Donald Trump.

Diplovista

Bregu: Zero roaming me BE-në deri më 2027

Perspektiva e Bashkimit Evropian për Ballkanin Perëndimor nuk është më një proces datash, BE-ja po ndryshon, ndoshta duhet të ndryshohet…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

Atentati ndaj Trump, Nikolla: Dhuna dhe demokracia janë të papajtueshme

Kryetarja e Kuvendit, Lindita Nikolla reagoi sot atentatin ndaj ish-presidentit të Shteteve të Bashkuara të Amerikës, Donald Trump.