Rama në Athinë: Shqiptarët qytetarë, jo më shërbëtorët e tyre të dikurshëm në Greqi

Kryeministri Edi Rama deklaroi sot se marrëdhëniet mes Shqipërisë dhe Greqisë kanë qenë gjithnjë shumë më të lidhura


Kryeministri Edi Rama deklaroi sot se marrëdhëniet mes Shqipërisë dhe Greqisë kanë qenë gjithnjë shumë më të lidhura sesa janë dukur, apo sesa janë lënë të duken nga retë, mjegullat dhe pluhurat e politikës së dy vendeve tona.

 

Në sallën “Christmas Theater” në stadiumin ‘Galatsi’ në Athinë, ku janë mbledhur mijëra shqiptarë, Rama tha jeta e përditshme mes shqiptarëve dhe grekëve, jashtë kafenesë së zhurmshme të interesave afatshkurtër të politikës dhe përtej pasqyrave të saj verbuese mediatike, vazhdon normale aktive dhe produktive.

 

“Përgjatë kësaj historie, fatet tona, zakonet, shtigjet e jetës, e rrugët e shtëpive tona, luftërat, vallet, këngët, përrallat, marrëdhëniet tona, kanë qenë gjithnjë shumë më të lidhura se sa janë dukur, apo se sa janë lënë të duken nga retë, mjegullat e pluhurat e politikës së dy vendeve tona”, deklaroi Rama.

 

Edhe sot që flasim, tha Rama, dy dekada e kusur pas ikjes së shekullit XX, dukja e marrëdhënieve tona thotë shumë më pak se realiteti, intensiteti, ndërthurja e jetëve dhe ndërlidhja e rrugëve të së ardhmes, pandashmërisht të përbashkët të shqiptarëve dhe grekëve.

 

“Në sipërfaqen e kulturës së shkruar të kohëve të sotme, ku kanalet e informacionit e rrjetet sociale i japin fytyrën e politikës së ditës kësaj marrëdhënie të lashtë, duke u ofruar njerëzve sufllaqe të nacionalizmit folklorik dhe rakinë e ciklit populist për t’u ngrohur parqeve elektorale dhe përgjumur trurin qytetar, duket sikur mes Shqipërisë dhe Greqisë ka pasur vetëm probleme të përjetshme ndërkohë jeta e përditshme mes shqiptarëve dhe grekëve jashtë kafenesë së zhurmshme të interesave afatshkurtër të politikës dhe përtej pasqyrave të saj verbuese mediatike, vazhdon normale aktive dhe produktive”, u shpreh kryeministri

Lexo më shumë nga

28 Maji, Dita Botërore e Lojërave

Dita Botërore e Lojërave, e sponsorizuar nga Shoqata Ndërkombëtare e Bibliotekave të Lodrave (ITLA), mbahet më 28 maj.

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

28 Maji, Dita Botërore e Lojërave

Dita Botërore e Lojërave, e sponsorizuar nga Shoqata Ndërkombëtare e Bibliotekave të Lodrave (ITLA), mbahet më 28 maj.