Shqipëri-Francë, marrëveshje bashkëpunimi në ekonomi, kulturë dhe inovacion

Marrëveshjet u nënshkrua në Francë, nga ministri i Ekonomisë, Kulturës dhe Inovacionit, Blendi Gonxhja.


Shqipëria dhe Franca nënshkruan sot dy marrëveshje bashkëpunimi në fushën e ekonomisë, kulturës dhe inovacionit.

Marrëveshjet u nënshkrua në Francë, nga ministri i Ekonomisë, Kulturës dhe Inovacionit, Blendi Gonxhja.

Në praninë e Kryeministrit Rama dhe Presidentit Macron u nënshkruan marrëveshje ndërqeveritare bashkëpunimi mes vendeve, përkatësisht:

– Marrëveshje Ndërqeveritare ndërmjet Këshillit të Ministrave të Republikës së Shqipërisë dhe Qeverisë së Republikës së Francës mbi Kontributin në Zbatimin e Projekteve Prioritare në Shqipëri. Marrëveshja u nënshkrua nga nga ministri i Ekonomisë, Kulturës dhe Inovacionit Blendi Gonxhja dhe ministri i Deleguar për Europën, Jean-Noël.

– Marrëveshje e Huasë, ndërmjet Republikës së Shqipërisë dhe Agjencisë Franceze për Zhvillim, për financimin e projektit “Një Hua për Politikat Publike për të mbështetur Aftësinë Përtëritëse dhe Zhvillimin e Gjelbër të Shqipërisë”. Marrëveshja u nënshkrua nga ministri i Ekonomisë, Kulturës dhe Inovacionit Blendi Gonxhja dhe zv/drejtorja e përgjithshme e Agjencisë Franceze të Zhvillimit (AFD), znj. Marie-Hélene Loison.

Ministri i Ekonomisë, Kulturës dhe Inovacionit, Blendi Gonxhja, gjatë vizitës së delegacionit shqiptar në Paris, Francë, u shpreh se nënshkrimi sot i dy marrëveshjeve prioritare me Qeverinë franceze, është shenjë e qartë e miqësisë dhe bashkëpunimit mes dy vendeve, që do t’i hapin rrugën zhvillimit të projekteve strategjike në sektorë të ndryshëm, thelbësorë për përparimin e Shqipërisë drejt anëtarësimit në Bashkimin Evropian.

Marrëveshja e parë, Marrëveshje Ndërqeveritare e nivelit më të lartë, hedh bazat për bashkëpunimin në projekte strategjike mbi turizmin, menaxhimin e ujit, mjedisin, inovacionin, digjitalizimin, energjinë, transportin, arsimin, shëndetësinë dhe bujqësinë, nisma që do të realizohen nga sipërmarrjet më të mirënjohura franceze, falë edhe mbështetjes së drejtpërdrejtë të shtetit francez.

Marrëveshja e dytë i hap rrugën financimit të projektit transformues të titulluar “Përtëritja e Aftësive Rinovuese dhe Zhvillimi i Gjelbër i Shqipërisë”. Në kuadër të kësaj nisme, Shqipëria do të marrë një hua në vlerën 120 milionë euro nga Agjencia Franceze e Zhvillimit, që do të shërbejnë si katalizator për implementimin e reformës transformuese të ndërmarrë nga Ministria e Turizmit dhe Mjedisit.

“Një falenderim i shkon Qeverisë franceze, që nëpërmjet këtyre marrëveshjeve nënvizon partneritetin me Qeverinë shqiptare dhe përkushtimin për zhvillim të ndërsjellë”, u shpreh Gonxhja.

28 Maji, Dita Botërore e Lojërave

Dita Botërore e Lojërave, e sponsorizuar nga Shoqata Ndërkombëtare e Bibliotekave të Lodrave (ITLA), mbahet më 28 maj.

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

28 Maji, Dita Botërore e Lojërave

Dita Botërore e Lojërave, e sponsorizuar nga Shoqata Ndërkombëtare e Bibliotekave të Lodrave (ITLA), mbahet më 28 maj.