GEW Albania, Ibrahimaj: Java Ndërkombëtare e Sipërmarrjes zhvillohet në Tiranë

Java Ndërkombëtare e Sipërmarrjes është një iniciativë e krijuar për të fuqizuar sipërmarrje dhe komunitete anembanë globit


Java Ndërkombëtare e Sipërmarrjes (GEW Albania) do të zhvillohet së shpejti në Tiranë, me një sërë aktivitetesh të rëndësishme ku do të mblidhen së bashku novatorë, sipërmarrës dhe biznese nga shumë vende të botës.

Nën kujdesin e posaçëm të ministres së Shtetit për Sipërmarrjen dhe Klimën e Biznesit, Delina Ibrahimaj, do të organizohen mbi 60 evente në katër qytete të Shqipërisë, në datat 13-19 nëntor 2023, me mbështetjen e 35 partnerëve nga sektori publik dhe privat, bota akademike dhe organizatat ndërkombëtare që operojnë në vend.

Java Ndërkombëtare e Sipërmarrjes (GEW Albania) do të ketë në fokus rritjen e ndërveprimit midis të gjithë aktorëve, rrjetëzimin, diversifikimin e financimeve alternative, fuqizimin e ekosistemit mbështetës, por mbi të gjitha transformimin e kulturës së të bërit biznes me qasje ndaj risive globale dhe krijimit të vlerës së shtuar për ekonominë.

Në këtë frymë, sesionet që do të organizohen do të përfshijnë: Aftësim dhe frymëzim nga histori suksesi sipërmarrjesh kombëtare dhe ndërkombëtare; Motivim nga folës dinamik dhe takime me mentorë; Programe aftësimi me partnerë të ndryshëm; Diskutime me gratë sipërmarrëse, të rinj ambiciozë dhe drejtues biznesesh; Diskutime në panele, prezantime dhe raporte të industrive; Vizita në biznese dhe takime të dedikuara me drejtues të korporatave të huaja dhe vendase.

Java Ndërkombëtare e Sipërmarrjes në Shqipëri synon të jetë një lëvizje që promovon inovacionin, feston kreativitetin dhe fuqizon komunitetin sipërmarrës shqiptar. Pavarësisht nëse jeni një sipërmarrës me përvojë, një themelues start up-i i ri ose i interesuar për të filluar një biznes, aktivitetet e organizuara do t’ju ofrojnë gjithçka për të cilën ju keni nevojë.

Ibrahimaj u shpreh se, përmes këtij eventi të rëndësishëm, “ne synojmë të frymëzojmë, motivojmë, fuqizojmë, lidhim dhe ndajmë njohuritë në fushën e sipërmarrjes me studentë, studentë sipërmarrës, mentorët dhe partnerët tanë të biznesit”.

Në ditët në vijim do të publikohet kalendari i plotë i detajuar me aktivitete të ndryshme, krijuese, të cilat do të zhvillohen në Tiranë, Shkodër, Korçë dhe Vlorë, ku çdokush mund të marrë pjesë dhe të regjistrohet paraprakisht nëpërmjet platformës.

Ibrahimaj vuri në dukej se, Shqipëria ka histori të suksesshme sipërmarrjesh të reja dhe po punon për të fuqizuar ekosistemin e tyre, përmes një kuadri ligjor model dhe mbështetjes së vazhdueshme financiare. “Misioni ynë është pikërisht zhvillimi i këtij vizioni”, tha ajo.

“Qeveria shqiptare është e angazhuar gjithmonë dhe më shumë në mbështetje të sipërmarrjes novatore dhe përmirësimit të mjedisit ekonomik, përmes aksesit financiar me skemat e granteve, zhvillimit të kapaciteteve të lehtësuesve, si dhe aftësimit të talenteve, duke i shërbyer një qëllimi primar, atij të rritjes së qëndrueshme ekonomike.

Java Ndërkombëtare e Sipërmarrjes është një iniciativë e krijuar për të fuqizuar sipërmarrje dhe komunitete anembanë globit, veçanërisht ato që ndeshen me barriera strukturore ose që guxojnë për të kthyer idetë e tyre në një start up”, u shpreh ministrja Ibrahimaj.

(Marrë nga ATSH)

CNN: “Bond Tower” – rrokaqielli i frymëzuar nga baleti së shpejti në Tiranë

Bond Tower, do të jetë një ndërtesë banimi dhe hotel 50-katëshe, i projektuar nga kompania portugeze e arkitekturës OODA

Global 360

CNN zbulon prapaskenën e tërheqjes së Biden

Vendimi përfundimtar i Presidentit Joe Biden për t’u larguar nga gara u mor në 48 orët e fundit

Diplovista

Rakipi: Bisedimet Kosovë-Serbi të përqendrohen tek njohja, jo më në çështje teknike

Kryetari i Institutit për Studime Ndërkombëtare Albert Rakipi thotë se ka ardhur koha për një qasje tjetër në dialogun mes…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

CNN: “Bond Tower” – rrokaqielli i frymëzuar nga baleti së shpejti në Tiranë

Bond Tower, do të jetë një ndërtesë banimi dhe hotel 50-katëshe, i projektuar nga kompania portugeze e arkitekturës OODA