Soreca: Integrimi jo vetëm çështje teknike, por proces politik dhe ekonomik

I Ngarkuari me Punë i Bashkimit Evropian në Tiranë, Luigi Soreca inkurajoi sot vijimin e reformave në vend


I Ngarkuari me Punë i Bashkimit Evropian në Tiranë, Luigi Soreca inkurajoi sot vijimin e reformave në vend, ndërsa vlerësoi përfitimet që ka sjellë veçanërisht Reforma në Drejtësi.

Në konferencën parlamentare mbi “Rolin e Parlamentit në Procesin e Berlinit”, Soreca u ndal te reformat që duhen kryer.

“Sigurisht do të ketë edhe kushte reformash. Çdo zhvillim ekonomik vjen me një ambient të shëndetshëm në të cilin investitorët direkt ndihen të sigurt për investimet e tyre prandaj është shumë e rëndësishme që të vazhdohet me reformat”, tha Soreca.

Sipas tij, “këtu përfshihet Reforma në Drejtësi e cila ka sjellë kaq shumë në këtë vend dhe për rajonin në përgjithësi”.

“Progresi gradual drejt BE-së do të ndihmohet nga promovimi i i disa prej përfitimeve që do të ndodhin me anëtarësimin në BE. Unë mendoj se kjo është sfida e vërtetë, të sigurohemi që ndërsa procesi i analizës të çdo ‘Acqui” do të sjellë disa nga promovimet e përfitimeve për të gjithë qytetarët e të gjitha shteteve në mënyrë që integrimi të mos jetë vetëm një çështje teknike, por të jetë dhe një përfitim politik dhe të jetë një proces politik dhe ekonomik”, tha ai.

Soreca u shpreh se Presidentja Von Der Leyen do të japë më shumë detaje për sa i përket përfitimeve specifike që do të sjellë ky plan.

“Do të ketë edhe përfitime për sa i përket kontributit ekonomik të gjithë rajonit. Është në interesin e të gjithëve ne të vazhdojmë të punojmë së bashku për integrimin në BE. Zgjerimi i BE-së do të jetë realitet vetëm nëse arrihet mbështetja dhe suporti i të gjithë anëtarëve të parlamentit”, shtoi ai.

Marrë nga ATSH

Rama në 30-vjetorin e Coca Cola në Shqipëri: Të lidhur më shumë se kurrë me Italinë

ryeministri Edi Rama mori pjesë sot në ceremoninë e mbajtur në kuadër të 30-vjetorit të.

Global 360

Përqafimi i paqes i Papa Franceskut me një palestinez dhe një izraelit

Duartrokitje të mëdha nga e gjithë Arena e Veronas, në këmbë të gjithë pas përqafimit të Papa Françeskut me dy…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Rama në 30-vjetorin e Coca Cola në Shqipëri: Të lidhur më shumë se kurrë me Italinë

ryeministri Edi Rama mori pjesë sot në ceremoninë e mbajtur në kuadër të 30-vjetorit të.