574 ditë nga nisja e luftës në Ukrainë, Shkurov: Besojmë tek drejtësia

Kuvendi i Shqipërisë në bashkëpunim me Ambasadën e Ukrainës në Tiranë zhvilluan sot një aktivitet në kuadër të edicionit të 18-të të Festivalit Ndërkombëtar të filmit për të Drejtat e Njeriut.


Kuvendi i Shqipërisë në bashkëpunim me Ambasadën e Ukrainës në Tiranë zhvilluan sot një aktivitet në kuadër të edicionit të 18-të të Festivalit Ndërkombëtar të filmit për të Drejtat e Njeriut.

Në këtë aktivitet ku u shfaq filmi “Fluturat Metalike”, një dokumentar nga Roman Liubyi i cili pasqyron luftën në Ukrainë, ishte i ftuar ambasadori i Ukrainës në Shqipëri, Volodymyr Shkurov dhe prof. Theodore S. Orlin, President Nderi i Festivalit.

Zëvendëskryetarja e Kuvendit, Ermonela Felaj mbajti një fjalë përshëndetëse në nisje të aktivitetit ndërsa duke marrë shkas nga agresioni rus në Ukrainë, nënvizoi se Shqipëria dhe komuniteti ndërkombëtar promovojnë mbrojtjen e lirive dhe të drejtave të njeriut.

“Ky festival është i përvitshëm, i themeluar nga Akademia “Marubi”. Kënaqësi që në Kuvendin e Shqipërisë shfaqet një ndër filmat e këtij festivali, film që merr shkas nga lufta në Ukrainë. Liria e një populli është e lidhur me shkallën e promovimit të të drejtave të njeriut. Shteti e ka për detyrë të respektojë liritë dhe të drejtat e njeriut. Paqja nuk gëzohet vetiu por duhet mund dhe angazhim. Nuk ka asnjë justifikim për luftën në Ukrainë, prandaj komuniteti ndërkombëtar dhe Shqipëria kanë mbështetur Ukrainën”, u shpreh Felaj.

Theodore S. Orlin, President Nderi i Festivalit, u shpreh se “duhet të kuptojmë dhe të studiojmë të shkuarën që të përballemi me të ardhmen”.

“E kaluara jo shumë e largët ka parë dy luftëra të mëdha, shumë dhunë dhe vdekje. Në këtë shekull bazuar në studimet e mia për të drejtat e njeriut po përballemi me gjëra që nuk i kemi hasur më përpara. Një shtet që ka një karrige në Këshillin e Sigurimit ka shkelur një nga parimet e ligjit ndërkombëtar. Është shkelur struktura e të drejtës ndërkombëtare dhe barra tani është mbi popullin e Ukrainës”, tha ai.

Ndërsa Ambasadori i Ukrainës në Shqipëri, Volodymyr Shkurov deklaroi se filmi i tmerrshëm tregoi thelbin e festivalit të këtij viti që është pandëshkueshmëria.

“Besojmë tek drejtësia dhe në ndjekjen penale të personave përgjegjës. Sot bëhen 574 ditë që nga fillimi i luftës së tmerrshme në Ukrainë dhe e vlerësojmë që Shqipëria është një ndër vendet që ka nënshkruar deklaratën e mbështetjes së Ukrainës”, deklaroi Shkurov. /ATSH

Vengu: Së shpejti qendër rajonale për emergjencat civile në Shkodër

Në Bushat të Shkodrës së shpejti do të nisë puna për ndërtimin e një qendre rajonale për emergjencat civile.

Global 360

Ibrahimaj: Mbështetje ekosistemeve të startup-eve me mbi 10 milionë euro vetëm në 3 vitet e fundit

Ministrja e Shtetit për Sipërmarrjen dhe Klimën e Biznesit, Delina Ibrahimaj, mori pjesë në edicionin e 7-të të “Startup City…

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Arbërit, princa të Lilit apo të Zambakut?

‘Princa të Lilit- Bij të Arbërit- Familjarë të Sulltanit’ është një studim që kap në vështrim disa çështje të rëndësishme…

Profil

Koçi Tahiri, veprimtar i respektuar i elitës intelektuale dhe i politikës shqiptare

"Pishtari i Demokracisë" dhe ish-deputet (2017-2021) ka veprimtari të gjerë aktive 35-vjeçare, me karakter krahinor dhe kombëtar.

Masmedia

Vengu: Së shpejti qendër rajonale për emergjencat civile në Shkodër

Në Bushat të Shkodrës së shpejti do të nisë puna për ndërtimin e një qendre rajonale për emergjencat civile.