Diplomacia Ekonomike, organizohet Forumi i parë i Grave Shqiptare Sipërmarrëse në Greqi

Ambasadorja Luela Hajdaraga theksoi rëndësinë e rolit të grave sipërmarrëse në ekonominë e vendeve


Në kuadër të vitit të Diplomacisë Ekonomike, Ambasada e RSH-së në Athinë, nën kujdesin e veçantë të Ambasadores Luela Hajdaraga, realizoi me sukses Forumin e parë të Grave Shqiptare Sipërmarrëse në Greqi me temë “Gratë sipërmarrëse udhëheqin: Një ngjarje për të festuar dhe për të frymëzuar”,
me pjesëmarrjen e grave dhe vajzave të angazhuara në fushën e sipërmarrjes, drejtimit dhe aktivizmit shoqëror.

Në fjalën përshëndetëse Ambasadorja Hajdaraga theksoi rëndësinë e rolit të grave sipërmarrëse në ekonominë e vendeve, ndikimin pozitiv në klimën tregtare, krijimin e vendeve të punës, sjelljen e risive dhe ndryshimeve, duke përgëzuar të pranishmet për sukseset e arritura përtej të gjithë vështirësive të të bërit biznes në tregje jashtë atdheut. Ambasadorja Hajdaraga shprehu kënaqësinë e veçantë për organizimin e një eventi kushtuar pjesës më dinamike të komunitetit, me kontribut të lartë dhe aftësi të jashtëzakonshme në balancimin e roleve si në familje, drejtim ashtu dhe në shoqëri, duke fituar betejat mbi stereotipet dhe duke hapur rrugët e suksesit për brezat e ardhshëm.

Këtë aktivitet e nderuan me fjalën e tyre, të ardhura posaçërisht nga Shqipëria:

Valbona Begolli, themeluese dhe Nënkryetare e Dhomës Ekonomike të Gruas së Shqipërisë, drejtuese ekzekutive e ALB Group, grupit të bizneseve Albpastrim, Albacademy, Albsolution, me mbi 350 punonjës të kualifikuar.

Elisa Motro-Iljazi, Drejtore Ekzekutive e EMI-CC Coaching and Consulting, e mirënjohur në fushën e këshillimit dhe mentorimit mbi Burimet Njerëzore, Zhvillimit të Biznesit dhe Leadershipit, profesore e Tirana Business University dhe autore e librit të biznesit “Planifiko m’Elidën”.

Në panelin e diskutimeve ndanë përvojat dhe ekspertizën e tyre sipërmarrëset e suksesshme shqiptare në Greqi:

Miranda Kapetani, Nënkryetare e Bordit Drejtues të Komisionit Greko-Shqiptar të DHTP Athinë, anëtaret znj. Erisa Balliu dhe znj. Natasha Abazaj-Beda, si dhe znj. Pavlina Katiaj, doktorante pranë Fakultetit Ekonomik të Athinës.

Pjesëmarrëset në këtë Forum patën mundësinë e rrjetëzimit, diskutimit mbi mundësitë e zhvillimit dhe zgjerimit të mëtejshëm të bizneseve, partneriteteve të reja në vendin amë si dhe përmirësimit të aspekteve të ndryshme të drejtimit.

Aktiviteti u moderua nga znj. Joana Zhonga nga Seksioni i Çështjeve Ekonomike, Tregtare dhe Turizmit të Ambasadës së RSH-së në Athinë.

? New York College – Në kuadër të vitit të Diplomacisë Ekonomike, Ambasada e RSH-së në Athinë, nën kujdesin e veçantë të…

Posted by Albanian Embassy in Greece – Ambasada Shqiptare në Greqi on Tuesday, April 11, 2023

Bashkëpunimi në nivel vendor me Kosovën, Mazniku pret ambasadorin Durmishi

Ministri i Shtetit për Pushtetin Vendor, Arbian Maznku, pret ambasadorin e Kosovës, Skënder Durmishi.

Global 360

Qeveria Mitsotakis i mbijeton mocionit të mosbesimit

Nga 300 të pranishmit në sallë votuan pro vetëm 141 ligjvënës, numër i pamjaftueshëm për të rrëzuar qeverinë.

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

NATO shpëtoi Kosovën nga spastrimi etnik i forcave serbe!

Ish-Ministri i Jashtëm: 24 Marsi i vitit 1999 mbetet i pashlyer në memorien e kombit tonë!

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Bashkëpunimi në nivel vendor me Kosovën, Mazniku pret ambasadorin Durmishi

Ministri i Shtetit për Pushtetin Vendor, Arbian Maznku, pret ambasadorin e Kosovës, Skënder Durmishi.