Nismat ligjore, Klubi Parlamentar për të Rinjtë sesion diskutimi me Institutin Republikan Amerikan

Në Kuvendin e Shqipërisë sot u zhvillua një sesion diskutimesh i përbashkët mes Institutit Republikan Amerikan dhe Klubit Parlamentar për të Rinjtë në Kuvendin e Shqipërisë


Në Kuvendin e Shqipërisë sot u zhvillua një sesion diskutimesh i përbashkët mes Institutit Republikan Amerikan dhe Klubit Parlamentar për të Rinjtë në Kuvendin e Shqipërisë, ku në fokus ishte nevoja për të adresuar problemet e të rinjve në vendin tonë dhe mundësinë për të ndërmarrë iniciativa ligjore të konsultuara me ta.

Kuvendi i Shqipërisë njoftoi se gjatë sesionit morën pjesë nëntë deputetë të Kuvendit dhe të rinj të programit ALPI (Advanced Leadership in Politics Institute) në Shqipëri.

Diskutimi u përqendrua në nevojën për të adresuar problemet e të rinjve në vendin tonë dhe mundësinë për të ndërmarrë iniciativa ligjore të konsultuara me ta. Kryetarja e Klubit Parlamentar për të Rinjtë, Erisa Xhixho, përmendi punën e deritanishme të klubit dhe premtoi angazhimin maksimal për të çuar përpara disa amendamente ligjore që lidhen drejtpërdrejt me të rinjtë. Ajo gjithashtu propozoi gatishmërinë e saj për të nënshkruar një Memorandum Mirëkuptimi (MOU) me IRI për çdo program të lidhur me të rinjtë.

Gjatë sesionit, u diskutua rëndësia e përfshirjes së të rinjve në proceset vendimmarrëse dhe roli i tyre në ndërtimin e një demokracie të qëndrueshme. Deputetët dhe të rinjtë shprehën shqetësimet dhe idetë e tyre për përmirësimin e politikave rinore dhe krijimin e mundësive më të mira për arsimim dhe punësim.

Drejtori i IRI për Shqipërinë vlerësoi angazhimin dhe punën e deputetëve dhe garantoi mbështetjen e IRI përmes programeve të ndryshme, që lidhen kryesisht me degët e partive politike dhe fuqizimin e të rinjve në politikë. Ai theksoi rëndësinë e krijimit të një dialogu të hapur dhe të vazhdueshëm midis të rinjve dhe përfaqësuesve politikë.

Gjatë prezantimit të disa gjetjeve nga sondazhi i fundit i IRI në Ballkanin Perndimor, Fluharty u shpreh se qytetarët duan të dëgjojnë nga përfaqësuesit e tyre në Kuvend çfarë planesh kanë partitë për punësimin dhe ekonominë në nivel kombëtar dhe lokal. Ai nënvizoi se adresimi i këtyre çështjeve është kyç për rritjen e besimit të publikut në institucionet demokratike.

Anëtarja e Klubit Parlamentar për të Rinjtë, Sorina Koti nënvizoi bashkëpunimin e hershëm me IRI dhe nevojën për të punuar më ngushtë në parlament për të zhvilluar politika që mbështesin të rinjtë. Ndërsa anëtari i klubit, Bardhyl Kollçaku, kërkoi një plan të detajuar bashkëpunimi me Institutin, duke përfshirë mundësinë për aktivitete dhe bashkëpunim në qarkun Berat ku ai është përfaqësues. Ai sugjeroi organizimin e trajnimeve dhe seminareve për të rinjtë në këtë zonë për të rritur aftësitë e tyre dhe për të inkurajuar pjesëmarrjen aktive në proceset politike.

Në përfundim, menaxherja e programit të IRI, Blerta Brovina, bëri një përmbledhje të rekomandimeve që lidhen me fuqizimin e të rinjve në Shqipëri, pjesë e studimit “Rrethi vicioz i kërcënimit të demokracisë: Emigrimi i të rinjve dhe zgjedhjet e lira dhe të ndershme”. Ajo theksoi se një nga rekomandimet kryesore është rritja e përfshirjes së rinisë në proceset demokratike dhe sigurimi i zgjedhjeve të lira dhe të ndershme.

Znj. Xhixho konfirmoi se klubi ka nisur punën për amendime ligjore për Ligjin për Rininë dhe konfirmoi përfshirjen e rekomandimeve të studimit të IRI në amendimet ligjore veçanërisht rekomandimit për rritjen e përfshirjes së rinisë në proceset demokratike. Ajo theksoi se kjo nismë do të ndihmojë në krijimin e një mjedisi më të favorshëm për të rinjtë dhe në përmirësimin e pjesëmarrjes së tyre aktive në politikë.

Aktiviteti u mbyll me shpërndarjen e certifikatave për pjesëmarrësit e programit, duke njohur kontributin e tyre dhe inkurajuar vazhdimin e përfshirjes aktive në iniciativa të ngjashme në të ardhmen.

(Marrë nga ATSH)

Lexo më shumë nga

Super Gjermania!

Gjermania e nisi rrugëtimin në Europian, në mënyrën më të mirë të mundshme, duke mposhtur Skocinë 5-1

Global 360

G7 – Papa Françesku u kërkon udhëheqësve të ndalojnë armët e IA-së

Papa Françesku u ka bërë thirrje sot udhëheqësve të Grupit të Shtatë (G7) që të miratojnë një qasje të kujdesshme…

Diplovista

Hasani për median vendase: Rumania vend partner në rrugën e Shqipërisë drejt integrimit në BE

Ministri për Evropën dhe Punët e Jashtme, Igli Hasani, intervistë për median rumune “CaleaEuropeană.ro”.

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Super Gjermania!

Gjermania e nisi rrugëtimin në Europian, në mënyrën më të mirë të mundshme, duke mposhtur Skocinë 5-1