Gjermania mbështet SPAK, Saathoff: Institucion kyç për integrimin në BE

Këtë qëndrim të Gjermanisë e konfirmoi të hënën gjatë një takimi me kreun e SPAK në Tiranë, sekretari i shtetit në Ministrinë e Brendshme Federale të Gjermanisë, Johann Saathoff.


Gjermania mbështet Prokurorinë Kundër Krimit të Organizuar dhe Korrupsionit, duke e vlerësuar si një institucion kyç për integrimin e Shqipërisë drejt Bashkimit Europian. Ajo ka vendosur dhe numrin më të lartë të oficerëve të kontaktit, si shprehje e angazhimit që ky vend ka karshi SPAK.

Këtë qëndrim të Gjermanisë e konfirmoi të hënën gjatë një takimi me kreun e SPAK në Tiranë, sekretari i shtetit në Ministrinë e Brendshme Federale të Gjermanisë, Johann Saathoff.

Prokuroria e Posaçme Kundër Krimit të Organizuar dhe Korrupsionit, përmes një njoftimi për mediet dha detaje mbi takimin e zhvilluar mes kreut të SPAK, Altin Dumanit dhe sekretarit të shtetit në Ministrinë e Brendshme Federale të Gjermanisë, Johann Saathoff.

Sipas njoftimit, të pranishëm në këtë takim ka qenë ambasadori i Republikës Federale Gjermane në Tiranë, Karlfried Bergner, oficerët ndërlidhës të atashuar pranë kësaj ambasade, drejtuesi i sektorit të Bashkëpunimit Ndërkombëtar dhe Hetimet e Përbashkëta, Arben Kraja, drejtuesi i seksionit kundër Krimit të Organizuar, Adnan Xholi, drejtuesi i seksionin Kundër Korrupsionit, Klodjan Braho si dhe këshilltari ligjor Fabian Zhilla.

Dumani falënderoi përfaqësuesit e këtij delegacioni për mbështetjen e vazhdueshme të shtetit gjerman ndaj SPAK, duke shprehur konsideratat më të larta për nivelin mjaft të mirë të bashkëpunimit ndërkombëtar në kuadër të ndihmës së ndërsjellë juridike midis palëve.

Saathoff, nënvizoi se SPAK është një institucion mjaft i rëndësishëm në luftën kundër krimit të organizuar dhe korrupsionit në Shqipëri, i cili konsiderohet nga shteti gjerman si një ndër institucionet kyçe për integrimin e Shqipërisë në Bashkimin Evropian. Ai cilësoi gjithashtu se nuk është rastësi që kjo vizitë e këtij niveli në Shqipëri fillon me këtë institucion. Nga ana tjetër, Saathoff shprehu rëndësinë që shteti gjerman i ka dhënë bashkëpunimit me SPAK, ku si në pak vende, prezenca e oficerëve të kontaktit në Shqipëri është më e lartë.

“Të dy përfaqësuesit e lartë ranë dakord se ky takim do të pasohet me takime të tjera në të ardhmen e afërt, duke synuar rritjen e veprimeve të tjera konkrete”, përfundon njoftimi i SPAK.

(Marrë nga ATSH)

Lexo më shumë nga

28 Maji, Dita Botërore e Lojërave

Dita Botërore e Lojërave, e sponsorizuar nga Shoqata Ndërkombëtare e Bibliotekave të Lodrave (ITLA), mbahet më 28 maj.

Global 360

Osmani në takim me Chulick: Çdo sukses i Kosovës mban edhe vulën e SHBA

Presidentja e Republikës së Kosovës, Vjosa Osmani ka pritur në takim Nicole Chulick, zëvendësndihmëssekretaren e Departamentit të Shtetit nga Byroja…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

28 Maji, Dita Botërore e Lojërave

Dita Botërore e Lojërave, e sponsorizuar nga Shoqata Ndërkombëtare e Bibliotekave të Lodrave (ITLA), mbahet më 28 maj.