Korrupsioni vazhdon të mbetet ende një problem shqetësues

Në kuadër të Barometrit të Sigurisë 2022, qytetarëve iu drejtua pyetja “A mendoni se rritja e pagave të nëpunësve civilë do të ulë korrupsionin?”


Nga Qendra për Studimin e Demokracisë dhe Qeverisjes – CSDG

Pagesa e pamjaftueshme shpesh shihet si një motivim për korrupsion, pasi nëpunësit publikë kthehen në përdorimin e pozicionit të tyre zyrtar për të nxjerrë përfitime monetare dhe/ose materiale për të përmbushur nevojat e tyre.

Në kuadër të Barometrit të Sigurisë 2022, qytetarëve iu drejtua pyetja “A mendoni se rritja e pagave të nëpunësve civilë do të ulë korrupsionin?” dhe “A mendoni se rritja e pagave të policëve do të ulë korrupsionin?” për të marrë mendimin e tyre për korrelacionin ndërmjet pagesës së pamjaftueshme dhe korrupsionit për këto dy kategori specifike të zyrtarëve publikë.

Rezultatet janë pothuajse identike për të dyja. Shumica prej pak më shumë se 50% mendojnë se rritja e pagave do të çonte në uljen e korrupsionit të nëpunësve civilë dhe punonjësve të policisë, dhe 18.8% dhe 21% të tjerë mendojnë se kjo mund të jetë e mundur për nëpunësit civilë dhe punonjësit e policisë përkatësisht.

Rreth një e treta e të anketuarve mendojnë të kundërtën, dhe kjo mund të lidhet fare mirë me besimin se korrupsioni është i rrënjosur thellë dhe se motivuesi nuk është mungesa e pagave të mjaftueshme, por vazhdimi i pasurimit nëpërmjet shpërdorimit të detyrës.

Nëpërmjet dokumentit “Masat Prioritare të Reformës së Administratës Publike” qeveria përcaktoi kalendarin e rritjes së pagave në sektorin publik, ndërkohë që po gjatë vitit 2023 Këshilli i Ministrave miratoi rritje të pagave për punonjësit e Policisë së Shtetit, Sistemit të Burgjeve dhe Shërbimit Zjarrfikës.

Fenomeni i korrupsionit në Shqipëri vazhdon të mbetet ende një problem shqetësues dhe prezenca e tij në institucione të ndryshme është adresuar gjerësisht. Megjithëse rritja e pagave mund të konsiderohet një instrument parandalues apo reduktues, kompleksiteti i fenomenit të korrupsionit kërkon ndërtimin dhe zbatimin e një qasje shumëdimensionale me qëllim uljen e pabarazisë ekonomike dhe konsolidimin e barazisë sociale.

#BSHS i cili mbështetet nga Friedrich-Ebert-Stiftung Tirana gjendet i publikuar në www.csdgalbania.org/barometer

Raporti i KE vlerëson punën e Gjykatës Kushtetuese

Komisioni Evropian ka publikuar raportin “Sundimi i Ligjit 2024”, për më shumë se 30 shtete në Evropës, mes të cilave…

Global 360

CNN zbulon prapaskenën e tërheqjes së Biden

Vendimi përfundimtar i Presidentit Joe Biden për t’u larguar nga gara u mor në 48 orët e fundit

Diplovista

Rakipi: Bisedimet Kosovë-Serbi të përqendrohen tek njohja, jo më në çështje teknike

Kryetari i Institutit për Studime Ndërkombëtare Albert Rakipi thotë se ka ardhur koha për një qasje tjetër në dialogun mes…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

Raporti i KE vlerëson punën e Gjykatës Kushtetuese

Komisioni Evropian ka publikuar raportin “Sundimi i Ligjit 2024”, për më shumë se 30 shtete në Evropës, mes të cilave…