OSBE në tryezë diskutimesh me Gjykatën e Lartë dhe atë Kushtetuese

Gjykata Kushtetuese e Shqipërisë në bashkëpunim me zyrën e Prezencës së OSBE-së në Shqipëri organizoi një tryezë të përbashkët diskutimesh me Gjykatën e Lartë me temë “Juridiksioni kushtetues dhe juridiksioni gjyqësor – pikëtakimet dhe ndarjet midis tyre”.


Gjykata Kushtetuese e Shqipërisë në bashkëpunim me zyrën e Prezencës së OSBE-së në Shqipëri organizoi një tryezë të përbashkët diskutimesh me Gjykatën e Lartë me temë “Juridiksioni kushtetues dhe juridiksioni gjyqësor – pikëtakimet dhe ndarjet midis tyre”.

Në këtë aktivitet morën pjesë trupat e gjyqtarëve të të dyja gjykatave, këshilltarë ligjorë dhe staf administrativ nga secila prej tyre, si dhe përfaqësues të Zyrës së Prezencës së OSBE-së në Shqipëri.

Aktiviteti i përbashkët u hap me fjalët përshëndetëse të kryetares së Gjykatës Kushtetuese, Holta Zaçaj, të zëvendëskryetarit të Gjykatës së Lartë, Sokol Sadushi, si dhe të ambasadorit të Zyrës së Prezencës së OSBE-së në Shqipëri, Guido De Sanctis.

Ambasadori De Sanctis gjatë fjalës së tij përgëzoi iniciativën e dy gjykatave, si dhe theksoi rëndësinë që ka ajo për krijimin e mundësive për shqyrtimin e çështjeve teknike në marrëdhëniet mes dy organeve të larta gjyqësore.

Ai vuri në dukje bashkëpunimin e suksesshëm të Prezencës me Gjykatën Kushtetuese dhe Gjykatën e Lartë dhe mbështetjen e vazhdueshme që i ka dhënë këtyre organeve të larta gjyqësore.

Punimet u zhvilluan në dy sesione, ku gjatë sesionit të parë gjyqtarët e secilës prej gjykatave referuan mbi nën-temat e mëposhtme: hapësira dhe kufijtë e interpretimit kushtetues të gjykatave të zakonshme; gjykimi incidental dhe natyra e vlerësimit të gjyqtarit të zakonshëm; roli që luan gjyqtari kushtetues në interpretimin e ligjit të zakonshëm për t’i dhënë kuptim normës kushtetuese; roli i Gjykatës së Lartë për të siguruar uniformitetin e praktikës gjyqësore.

Temat e trajtuara gjatë sesionit të dytë kishin në fokus: standardin e gjykatës së caktuar me ligj dhe zbatimin e tij në përputhje me ndryshimet kushtetuese dhe ligjore që përcaktojnë juridiksionin e Gjykatës së Lartë për njësimin dhe zhvillimin e praktikës ligjore; arsyetimin e vendimeve të dhomës së këshillimit, natyrën e pretendimeve të parashtruara në rekurs si përcaktuese të detyrimit të Gjykatës së Lartë për të trajtuar dhe rastet kur gjykatat më të ulëta kanë dhënë zgjidhje ligjore diametralisht të kundërta; të drejtën e mbrojtjes efektive të individit në gjykimin në Gjykatën e Lartë, si dhe gjykimin në dhomën e këshillimit veçanërisht kur ajo gjykatë shqyrton, me nismën e saj, çështje ligjore pa njoftuar paraprakisht palët.

Në vijim të prezantimeve të mbajtura, gjyqtarët e të dy gjykatave shtruan pyetje dhe zhvilluan diskutime lidhur me temat e referuara, duke evidentuar rëndësinë e organizimit të takimeve të tilla për shkëmbimin e mendimeve dhe përmirësimin e vendimmarrjeve respektive. /ATSH

“Daily Express”: Shqipëria në rrugën e duhur për t’u bërë anëtare e BE-së

Mieka Smiles në të përditshmen britanike “Express”

Global 360

Osmani falënderon Erdoganin për mbështetjen ndaj Kosovës

Presidentja Vjosa Osmani gjatë pjesëmarrjes në Forumin Diplomatik të Antalisë u takua edhe homologun e saj turk Recep Tayyip Erdogan

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Fqinjësia, reciprocitet dhe përgjegjësi!

Fqinjësia është dëgjimi, mirëkuptimi, pranimi, ndihma, siguria, prania, lidhja dhe mbështetja.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

“Daily Express”: Shqipëria në rrugën e duhur për t’u bërë anëtare e BE-së

Mieka Smiles në të përditshmen britanike “Express”