“NaTemat”: Vizitoni Shqipërinë, një nga destinacionet më të bukura evropiane

Media polake: Shqipëria ka një potencial të madh për t’u bërë një fuqi turistike si Kroacia


Shqipëria është padyshim një nga vendet më të bukura evropiane për të kaluar pushimet. Aktualisht, ajo po bëhet gjithnjë e më e popullarizuar, dhe linjat ajrore po zgjerojnë rrjetet e tyre të fluturimeve permes lidhjeve të reja. A ka Shqipëria një shans për t’u bërë Kroacia e re? Unë gjykoj bazuar në qëndrimin tim dymujor në vendin mesdhetar!, shkruan gazetarja Małgorzata Chuchel në një artikull të botuar në të përditshmen “NaTemat” (natemat.pl).

Shqipëria, mbetet një destinacion i preferuar për të kaluar pushimet, i zgjedhur shpesh nga polakët. Nuk mund të mohohet se ata që kanë shkuar atje të paktën një herë, do te donin të ktheheshin sërish me kënaqësi të madhe.

Tani që kompania ajrore “Ryanair” ka nisur fluturimet e reja, duke përfshirë nga Polonia në Tiranë, kryeqyteti i Shqipërisë, ju mund ta shihni vetë se sa i larmishëm dhe miqësor është ky vend.

Gjatë viteve të fundit, Shqipëria është bërë e famshme duke u krahasuar me bregdetin kroat.

Dhe megjithëse ishte me të vërtetë rasti, me kalimin e kohës çmimet në Shqipëri janë më të ulëta, përfshirë Kroacine.

Turistët shpesh tërhiqen nga natyra e bukur e Shqipërisë, plazhet e egra të fshehura midis shkëmbinjve ku nuk ka turma vizitorësh, dhe atraksionet e panumërta që, për mrekulli, janë akoma të perballueshme.

A ka Shqipëria një shans për t’u bërë Kroacia e dytë? Cilat ishin dy muajt e mi në Shqipëri dhe çfarë ia vlen të shihet atje?

Çmimet në Shqipëri
Çmimet e akomodimit në Shqipëri variojnë në varësi të sezonit dhe rajonit që zgjedh. Megjithatë, çmimi mesatar është rreth 45 euro në ditë për një apartament. Kostot e produkteve ushqimore janë shumë të ngjashme me ato në Poloni.

Duhet theksuar gjithashtu se shqiptarët janë një komb shumë mikpritës dhe të gatshëm për t’ju ndihmuar.

Kur shkoni në Shqipëri për pushime, duhet të keni parasysh se kostot e jetesës janë të ngjashme me ato në Poloni. Megjithatë, krahasuar me çmimet aktuale në Kroaci, mbetet sërish një opsion më i lirë.

Shqipëria është vendi ideal për adhuruesit e natyrës, historisë dhe fortifikimeve ushtarake.

Përveç vendeve si Gjirokastra apo Syri i Kaltër, që zakonisht vizitojnë të gjithë turistët, në Shqipëri fshihen shumë xhevahire. Prandaj, ia vlen të mendoni të udhëtoni në Shqipëri me makinë, sepse vetëm kështu do të mund të organizoni një turne dhe të eksploroni sa më shumë vende.

Cilat vende në Shqipëri ia vlen të vizitohen?
Për shembull, në Berat, i cili quhet edhe qyteti i një mijë dritareve, do të kemi mundësinë jo vetëm të admironi qytetin e dikurshëm të regjistruar në listën e trashëgimisë së UNESCO-s, por edhe të flini në majë të kodrës në një kështjellë me çmime mjaft të arsyeshme.

Është interesante se në Berat, në varësi të vendit ku shkojmë, na presin dy botë të ndara. Në majë të kodrës ka një atmosferë vërtet idilike dhe rurale, dhe qyteti është plot me aktivitete.

Pak më poshtë, afër Sarandës, ka mjaft atraksione për adhuruesit e natyrës, si Syri i Kaltër, apo burimet e nxehta të njohura si Ujërat Termale të Bënjës.

Edhe pse në Bënjë më afër sezonit mund të takosh një numër të lartë të adhuruesve të burimeve të nxehta, pamjet të lënë pa frymë dhe ja vlen vërtet të shkosh atje.

Gjatë rrugës, mund të ndaleni në fshatra malorë ose bregdetarë, të cilët janë larg vendpushimeve.

Vizitoni plazhet e egra ku jo vetëm mund të notoni në ujëra të pastër kristal, por edhe të kaloni natën. ju rekomandoj të shkoni në Ksamil.

A është e përgatitur Shqipëria për një fluks turistësh?
Sipas statistikave, numri i turistëve në Shqipëri po rritet vazhdimisht nga viti në vit dhe krahasuar me sezonin e kaluar, në vitin 2023 është rritur me 49 për qind.

Organizata Botërore e Turizmit e renditi atë të tretën për nga rritja e turizmit, pas Katarit dhe Arabisë Saudite.

Durrësi, Saranda, Vlora dhe Ksamili janë qytetet ku është përqendruar turizmi bregdetar.

Shqipëria ka një potencial të madh për t’u bërë një fuqi turistike si Kroacia, por kjo kërkon ende një kontribut të madh në të gjithë infrastrukturën.

Bota përmes statistikave!

Bota ku jetojmë përmes shifrave për gjeografinë, popullsinë, burimet natyrore dhe vecanërisht ekonominë.

Global 360

SHBA, të burgosurit diplomohen në universitetet më të mira

Marrja e diplomës u mundëson të burgosurve të integrohen më lehtë në shoqëri pas kryerjes së dënimit

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Gjashtë shtetet e lëkundura, që do të vendosin për të ardhmen e gjeopolitikës

Cliff Kupchan është kryetar i institutit kërkimor “Eurasia Group”.

OPED

102-vjeçari që drejton shoqatën “Avni Rustemi” në Amerikë

102 herë që Vasil Malita ynë pret e përcjell shokë e miq, bashkatdhetarë të udhëve të atdheut e në emigracion.

Profil

Rauf Fico, diplomati brilant me vizion perëndimor

Rauf Fico përcaktoi juridiksionin e konsullatave shqiptare dhe Konsullatave të Nderit të Shqipërisë jashtë vendit.

Masmedia

Bota përmes statistikave!

Bota ku jetojmë përmes shifrave për gjeografinë, popullsinë, burimet natyrore dhe vecanërisht ekonominë.