Në Ditën Ndërkombëtare të Demokracisë, Presidenti Bajram Begaj priti në një takim përfaqësues të disa organizatave jofitimprurëse që veprojnë në fushën e demokracisë dhe të drejtave të njeriut.

Begaj bëri të ditur se gjatë takimit u diskutua mbi sfidat aktuale të demokracisë shqiptare.

“Sot në Ditën Ndërkombëtare të Demokracisë takova përfaqësues të disa organizatave joftimprurëse që veprojnë në fushën e demokracisë dhe të drejtave të njeriut. Diskutuam mbi sfidat aktuale të demokracisë shqiptare dhe sesi Institucioni i Presidentit mund të bashkëpunojë me përfaqësuesit e qytetarëve aktivistë për ta mbrojtur e përforcuar atë., u shpreh Begaj.

Tema e këtij viti për Ditën Ndërkombëtare të Demokracisë është “Fuqizimi i gjeneratës së ardhshme” dhe fokusohet në rolin thelbësor të të rinjve në përparimin e demokracisë dhe garancitë që të kenë zë në vendimmarrje.