Në qytetin e Gjirokastrës u nënshkrua Marrëveshja e Binjakëzimit mes Komunës së Bujanoci-t të Luginës së Preshevës dhe Bashkisë së Gjirokastrës.

Lajmin e dha Ambasada Shqiptare në Serbi.

Marrëveshja u nënshkrua nga Kryetari i Komunës së Bujanoci-t, Z. Nagip Arifi dhe Kryetari i Bashkisë së Gjirokastrës, Z. Flamur Golemi.

Kjo Marrëveshje shënon një kapitull të ri bashkëpunimi ndërshqiptar dhe hap perspektiva të mëdha në ndihmë të komunitetit shqiptar të Luginës së Preshevës, në fushat e edukimit, arsimit e kulturës, agro-bujqësisë, turizmit, administrimit të qeverisjes lokale, etj.