Kumbaro: Ndërkombëtarizimi i Universitetit të Sporteve, ura të reja bashkëpunimi për diploma të dyfishta

Ministrja e Arsimit, Mirela Kumbaro, ka marrë pjesë në ceremoninë e diplomimit të 500 studentëve në Universitetin e Sporteve të Tiranës.


Ministrja e Arsimit, Mirela Kumbaro, ka marrë pjesë në ceremoninë e diplomimit të 500 studentëve në Universitetin e Sporteve të Tiranës.

Duke uruar të gjithë studentët, prindërit dhe pedagogët, ministrja Kumbaro ka vlerësuar ndërkombëtarizimin e Universitetit të Sporteve me arritjet e diplomave të dyfishta dhe programeve të përbashkëta me Universitetin “Magna Graecia” të Catanzaros në Itali dhe me Shkollën e Sportit të Rio Maior në Portugali.

“Dua të përgëzoj Universitetin e Sporteve për të nxitur dhe për të mbështetur programet e përbashkëta, diplomat e dyfishta me universitete të tjera europiane, siç është rasti i Universitetit të Catanzaros në Itali, në Portugali dhe, e fundit, por jo për nga rëndësia, është një nga bashkëpunimet shumë të mira ku e gjithë qeveria shqiptare, në fakt me angazhimin e drejtpërdrejtë edhe të Kryeministrit, punuam që Universiteti i Sporteve të ndërtonte disa mastera shumë të rëndësishëm, siç është Real Madridi, që ju si profesionistë të sportit e njihni dhe e dini shumë mirë se çfarë do të thotë të kesh në partneritet dhe në diplomat e përbashkëta një partner të një emri të madh të sportit, të futbollit, siç është Fondacioni i Real Madridit”, theksoi Kumbaro.

Kumbaro nënvizoi se sporti është prioritet i politikave të Ministrisë së Arsimit që, në arsimin parauniversitar, me rritjen e orëve të mësimit të sportit dhe të investimet në infrastrukturën e terreneve sportive.

Kumbaro i ka konsideruar studentët e sportit si ambasadorët më të mirë të vendit.

“Studentët që dalin nga ky universitet janë gjithashtu edhe ambasadorët më të mirë në garat dhe në përballjet ndërkombëtare që ne kemi në fusha të ndryshme të sportit. T’i gëzoni diplomat dhe shkëlqefshi kudo që të jeni”, tha Kumbaro.

Në Universitetin e Sporteve të Tiranës këtë vit u diplomuan rreth 500 studentë në 8 programe studimi, pranë tri fakulteteve të tij. Nga numri i përgjithshëm i të diplomuarve, 300 studentë përfundojnë studimet Bachelor, 170 studentë në 2 programe Master i Shkencave dhe 50 studentë në 3 programe Master Profesional.

Të diplomuarit janë brez i ri profesionistësh, të përgatitur për të kontribuar në zhvillimin e edukimit fizik, shkencave sportive, veprimtarisë fizike, rekreacionit dhe rehabilitimit në Shqipëri.

Burimi ATSH

Lexo më shumë nga

Programi Kombëtar i Zhvillimit Profesional, Kumbaro: Mbi 20 mijë mësues të trajnuar deri tani

Në kuadër të Programit Kombëtar të Zhvillimit Profesional 2026 deri më tani janë trajnuar 20 300 mësues.

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Programi Kombëtar i Zhvillimit Profesional, Kumbaro: Mbi 20 mijë mësues të trajnuar deri tani

Në kuadër të Programit Kombëtar të Zhvillimit Profesional 2026 deri më tani janë trajnuar 20 300 mësues.